شىمكەنت قالاسىندا وپەرا جانە بالەت تەاترى الەمدىك كلاسسيكتەرمەن ارىپتەستىك ورناتىپ, شەبەرلىك ساباقتارىن الۋدا. بۇل قالادا وپەرا ونەرىنىڭ وركەندەۋى مەن ارمەن قاراي دامۋىنا ىقپال ەتپەك. وسى ورايدا وپەرا تەاترى باق وكىلدەرىن يگى ىستەردىڭ باستامىسىمەن تانىستىرۋ ماقساتىن ءباسپاسوز تۋرىن وتكىزدى.
مايرا مۇحامەدقىزى باستاعان ونەر ۇجىمى باق وكىلدەرىنە تەاتردىڭ تىنىس-تىرشىلىگىمەن تانىستىردى.
ونەر ورداسىنداعى وركەستورعا يتالياداعى كارلو فەليچە تەاترى قورىنىڭ كوركەمدىك جەتەكشىسى, حالىقارالىق وپەرا بايقاۋلارىنىڭ قازىلار القاسىنىڭ مۇشەسى دجۋزەپپە اكۆاۆيۆا العاشقى شەبەرلىك ساباعىن ءوتتى.
ايگىلى ماەسترو تەاتردىڭ الەمدىك دەڭگەيگە جەتۋىن جانە ارتىستەردىڭ كاسىبي بىلىكتىلىگىن ارتتىرۋدى كوزدەپ وتىر.
ءباسپاسوز تۋر «كلاسسيكالىق مۋزىكا جاۋھارلارى» كلاسسيكالىق مۋزىكا كەشىنە جالعاستى. تەاتر سوليستەرى مەن سيمفونيالىق وركەسترى الەمدىك دەڭگەيدەگى ديريجەرمەن ءبىر ساحنادا ونەر كورسەتتى.
شىمكەنت ساحناسىندا الەمدىك كلاسسيكا جەتەكشىلەرى دج.روسسيني, دج.ۆەردي, دج.پۋچچيني, گ.دونەتسەتتي سەكىلدى كومپوزيتورلاردىڭ شىعارمالارىمەن بىرگە ە. برۋسيلوۆسكي, م. تولەباەۆ جانە ت. ب. قازاق ۇلتتىق وپەراسى مايتالماندارىنىڭ تۋىندىلارى شىرقالدى.