بۇگىن قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ مەملەكەت باسشىسىنىڭ تاپسىرماسى بويىنشا الماتىدا بەلگىلى مادەنيەت جانە ونەر قايراتكەرلەرىنە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ 2020 جىلعى مادەنيەت سالاسىنداعى مەملەكەتتىك ستيپەندياسىن تابىستادى, دەپ حابارلايدى Egemen.kz.
سالتاناتتى جيىن بارىسىندا قىرىمبەك كوشەرباەۆ بيىل 85 جاسقا تولعان تەاتر جانە كينو تارلانى, قازاقستاننىڭ حالىق ءارتيسى, مەملەكەتتىك سىيلىقتىڭ لاۋرەاتى ءسابيت ورازباەۆتى پرەزيدەنتتىڭ 25 قاڭتارداعى جارلىعىمەن تاعايىندالعان ءى دارەجەلى «بارىس» وردەنىمەن ماراپاتتادى.
وسىدان كەيىن مەملەكەتتىك حاتشى وتكەن جىلدىڭ سوڭىندا كاسكادەرلەر اراسىندا «وسكار» سىيلىعىنا پارا-پار Əلەم كاسكادەرلەرى اكادەمياسىنىڭ «تاۋرۋس» جۇلدەسىن جەڭىپ العان Nomad Stunts كəسىبي كاسكادەرلەر توبىننىڭ نەگىزىن قالاۋشى, جەتەكشىسى جايداربەك كۇنعوجينوۆتى قۇتتىقتاپ, جۇمىسىنا ساتتىلىك تىلەدى.
ال اقتوتى رايىمقۇلوۆا جايداربەك كۇنعوجينوۆتى «مادەنيەت سالاسىنىڭ ۇزدىگى» ۆەدومستۆولىق مەدالىمەن ماراپاتتادى.
ايتا كەتەيىك, Nomad Stunts حالىقارالىق كاسكادەرلەر توبى بۇل جۇلدەنى رەجيسسەر اقان ساتاەۆتىڭ «توميريس» تاريحي دراماسىنداعى كاسكادەرلەرلىك əدىستەر ءۇشىن يەلەنگەن.