جامبىل وبلىسىنىڭ اكىمى بەردىبەك ساپارباەۆتىڭ توراعالىعىمەن وتكەن كوروناۆيرۋس ينفەكتسياسىنا قارسى ءىس-قيمىل جونىندەگى جەدەل شتاب وتىرىسىندا وبلىستاعى ەپيدەميالىق جاعداي, سونداي-اق ۆاكتسيناتسيا ماسەلەلەرى سارالاندى, دەپ حابارلايدى Egemen.kz
دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ ايتۋىنشا, جامبىل وبلىسىندا كوروناۆيرۋستىڭ تاۋلىكتىك ءوسىمى 0,4 پايىزدى قۇرايدى.
«بۇگىنگى تاڭدا ينفەكتسيالىق ستاتسيونارداعى 1200 توسەكتىڭ 460-ى جۇكتەلگەن, 45 ناۋقاس رەانيماتسيادا ەم الۋدا. كارانتيندىك ستاتسيوناردا 18 ادام, ءۇي كارانتينىندە 1741 ادام جاتىر», دەدى باسقارما باسشىسى.
ول سونىمەن قاتار سوڭعى اپتادا وبلىستا كوروناۆيرۋستىڭ 152 جاعدايى تىركەلگەنىن ايتتى. اسىرەسە, تاراز, شۋ, جامبىل جانە بايزاق اۋداندارىندا جاعداي شيەلەنىسە تۇسكەن.
«سوڭعى ەكى اپتادا كوروناۆيرۋس بەلگىلەرىمەن بايلانىستى جەدەل جاردەمدى شاقىرتۋلار سانى 491-دەن 599-عا دەيىن وسسە, پنەۆمونيامەن, كەرىسىنشە, 87-دەن 48-گە دەيىن ازايدى», دەپ اتاپ ءوتتى ءا.قاليەۆ.
سونداي-اق باسقارما باسشىسى ەلىمىزدە كوروناۆيرۋس بويىنشا جاعدايدىڭ ناشارلاۋىنا بايلانىستى وڭىرىمىزدە ينفەكتسيالىق ستاتسيونارلىق ەكى مىڭ توسەكتەن تۇراتىن رەزەرۆ دايىندالۋدا, ونىڭ 200-ءى رەانيماتسيالىق ەكەنىن تىلگە تيەك ەتتى.
ء«وڭىردىڭ بارلىق مەديتسينالىق ۇيىمدارى جالپى سوماسى جەتى ميلليارد تەڭگەگە ءدارى-دارمەكتەرمەن جانە مەديتسينالىق بۇيىمدارمەن قامتاماسىز ەتىلگەن. ونىڭ 1,2 ميلليارد تەڭگەسى كوروناۆيرۋسپەن كۇرەسكە قاجەتتى پرەپاراتتارعا جۇمسالدى. تاپشىلىق جوق», دەپ اتاپ ءوتتى اسەت قاليەۆ.
وبلىستىڭ باس مەملەكەتتىك سانيتارلىق دارىگەرىنىڭ مىندەتىن اتقارۋشى سالتانات الىباەۆانىڭ ايتۋىنشا, جىل باسىنان بەرى 78 وقۋشى, 45 مۇعالىم جانە ءبىر ستۋدەنت كوروناۆيرۋس جۇقتىرعان. ولاردىڭ بارلىعى دارىگەرلەردىڭ باقىلاۋىندا, بايلانىستا بولعان ادامدارمەن قاجەتتى جۇمىستار جۇرگىزىلدى. سونىمەن قاتار, اعىمداعى جىلى 22 دارىگەردەن COVID-19 انىقتالىپتى.
ء«بىزدىڭ ءوڭىر ازىرگە «جاسىل« ايماقتا تۇر, الايدا ەلدەگى جانە وبلىستاعى جاعداي شيەلەنىسە تۇسۋدە, قىراعىلىقتى جوعالتۋعا بولمايدى», دەيدى س.الىباەۆا.