جانداربەك بەكشين كينوتەاترلاردىڭ جۇمىسىنا شەكتەۋ قويىلۋىنىڭ سەبەبىن ءتۇسىندىردى

جۋرناليستەر كينوتەاترلارعا ونسىز دا از كەلەتىن ادامدار قالاداعى ەپيدەميولوگيالىق احۋالعا قالاي ىقپال ەتەتىنىن سۇرادى.

«بىزدە قر باس مەملەكەتتىك سانيتارلىق دارىگەرىنىڭ قاۋلىسى بار. ول قاۋلىدا بەلگىلى ءبىر وڭىرلەردىڭ «قىزىل» نەمەسە «جاسىل» ايماققا كىرگەنىنە بايلانىستى شەكتەۋ شارالارى تاعايىندالعان. ونىڭ بارلىعى رەگلامەنتتەلگەن. بۇل جاعدايدا «قىزىل» ايماقتاعى وڭىرلەردە ورنالاسقان كينوتەاترلار مەن تەاترلاردىڭ جۇمىسىنا شەكتەۋ قويىلادى», دەدى جانداربەك بەكشين.

ايتا كەتەيىك, الماتى قالاسىنىڭ «قىزىل» ايماققا ەنۋىنە بايلانىستى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى, قالانىڭ باس مەملەكەتتىك سانيتار دارىگەرى جانداربەك بەكشين جاڭا قاۋلى قابىلداعان بولاتىن.

قاۋلىعا سايكەس ساۋدا, ويىن-ساۋىق ورتالىقتارى مەن بازارلار سەنبى-جەكسەنبى كۇنى جۇمىس ىستەمەيدى. ال كينوتەاترلار مەن تەاترلاردىڭ جۇمىسى ۋاقىتشا توقتاتىلدى.

سونىمەن قاتار, جاڭا قاۋلىعا سايكەس ەندى كوروناۆيرۋس جۇقتىرعان ادامدار اۋرۋحاناعا جاتىپ ەمدەلەدى.