ەكىجاقتى ىنتىماقتاستىق ماسەلەلەرىن تالقىلاۋ ماقساتىندا قازاقستان ەلشىسى تولەجان بارلىباەۆتىڭ حورۆاتيانىڭ سىرتقى جانە ەۋروپالىق ىستەر ءمينيسترى گوردان گرليچ رادمانمەن كەزدەسۋى ءوتتى, دەپ حابارلايدى Egemen.kz.
كەزدەسۋ بارىسىندا ەلشى سىرتقى ساياسي ۆەدومستۆوسىنىڭ باسشىسىن قازاقستانداعى جىل باسىنداعى ساياسي وقيعالار – پارلامەنتتىك سايلاۋدىڭ قورىتىندىلارى, قر ۇكىمەتىنىڭ جاڭا قۇرامىنىڭ بەكىتىلۋى جانە پرەزيدەنت قاسىم-جومارت توقاەۆتىڭ ونىڭ مۇشەلەرى الدىنا قويعان مىندەتتەرى تۋرالى حاباردار ەتتى.
2021 جىلعى 15-16 ساۋىردە وتكىزۋگە جوسپارلانعان ساۋدا-ەكونوميكالىق ىنتىماقتاستىق جونىندەگى قازاقستان-حورۆاتيا ۇكىمەتارالىق كوميسسياسىنىڭ (ۇاك) I-ءشى وتىرىسىنا دايىندىق بارىسى قاراستىرىلدى. 2020 جىلدىڭ قورىتىندىسى بويىنشا ەكى ەل اراسىنداعى سىرتقى ساۋدا اينالىمى ءۇش ەسە استام ءوسىپ, 330 ملن اقش دوللارىنان اسقانى اتاپ ءوتىلدى.
ت. بارلىباەۆ مەملەكەت باسشىسىنىڭ قر ۇكىمەتىنىڭ الدىنا قويعان جاڭا مىندەتتەرى اياسىندا ينۆەستيتسيالار, اۋىل شارۋاشىلىعى جانە ازىق-ت ۇلىك قاۋىپسىزدىگىن قامتاماسىز ەتۋ, قولجەتىمدى تۇرعىن ءۇي قۇرىلىسى, دەنساۋلىق ساقتاۋ جانە ءبىلىم بەرۋ سالالارىنداعى ىنتىماقتاستىقتى دامىتۋ ماڭىزدى مانگە يە ەكەنىن اتاپ ءوتتى.
كەزدەسۋ قورىتىندىسى بوىينشا ۇاك وتىرىسىنىڭ كۇن ءتارتىبىن ساپالى تولتىرۋ, سونداي-اق تۋريزم جانە اۋىل شارۋاشىلىعى سالاسىنداعى ىنتىماقتاستىق تۋرالى بىرقاتار قۇجاتقا قول قويۋ تۋرالى ۋاعدالاستىققا قول جەتكىزىلدى.