وسى جىلدىڭ 28 قاڭتارىندا كەشكى ارالاۋ كەزىندە اۋداندىق اكىمدىكتەر مەن پد قىزمەتكەرلەرىنەن قۇرالعان مونيتورينگتىك توبى شوب-تىڭ كەزەكتى نىساندارىندا كارانتين رەجيمىنىڭ ساقتالۋىن تەكسەردى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەلوردا تۇرعىندارى مەن شوب سۋبەكتىلەرى كارانتين تالاپتارىن بۇزۋدى توقتاتپاي كەلەدى. سونىمەن, ەسىل اۋدانىندا مونيتورينگتىك تەكسەرۋلەر جۇرگىزۋ بارىسىندا مىنا مەكەمەلەردىڭ جۇمىس رەجيمىن بۇزۋ فاكتىلەرى انىقتالدى: "شاشلىچنىي دۆور" كافەسى, Rabiya مەيرامحاناسى, CENTRAL رەستو-بارى, سabera گريل-بارى. اتالعان ءتارتىپ بۇزۋشىلارعا قاتىستى اكىمشىلىك ءىس قوزعالىپ, ايىپپۇل سالىندى.
وسى جىلدىڭ 1 قاڭتارىنان باستاپ مونيتورينگتىك توپتارمەن قامتىلعان وبەكتىلەردىڭ ىشىنەن شەكتەۋ جانە كارانتيندىك شارالارىن 16 پايىزى بۇزدى, ال قالعاندارى كورسەتىلگەن ءتارتىپتى ساقتاپ كەلەدى.
نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس, بارلىق قوعامدىق تاماقتانۋ نىساندارى ساعات 20.00-گە دەيىن عانا جۇمىس ىستەۋى ءتيىس. ءتارتىپ بۇزۋشىلارعا ايىپپۇل سالىنادى. بيزنەسمەندەرگە 600 مىڭنان استام, قوناقتارعا 87 مىڭنان تەڭگەدەن استام ايىپپۇل قاراستىرىلعان.
وسىلايشا, بۇگىندە سوت 12 قوعامدىق مەكەمەنىڭ قىزمەتىن توقتاتتى جانە اكىمشىلىك ايىپپۇل سالدى: "جانىم سول" كاراوكە-بارى, "الانيا" تۇنگى كلۋبى (ماناس كوشەسى, 9/1), "Tequila" كاراوكە-بارى, "التىن" مەيرامحاناسى, "Echo" لاۋندج بارى, "ستوريس" لاۋندج بارى, "Raspawn" كومپيۋتەرلىك كلۋبى, "Kango" باتۋت پاركى, "Abba" لاۋندج بارى, "Ginza" كاراوكە-مەيرامحاناسى, "Ginza"دۇكەنى.
نۇر-سۇلتان قالاسىنىڭ پوليتسيا دەپارتامەنتى ازاماتتار مەن مەكەمە يەلەرىنە كارانتين رەجيمى جالعاسىپ جاتقانىن جانە باس سانيتارلىق دارىگەردىڭ قاۋلىسىنىڭ تالاپتارىن ساقتاۋ كەرەكتىگىن ەسكەرتەدى. ءتارتىپ بۇزۋشىلار قولدانىستاعى زاڭناماعا سايكەس جاۋاپكەرشىلىككە تارتىلادى.