سەناتتا پالاتا توراعاسىنىڭ ورىنباسارى اسقار شاكىروۆتىڭ توراعالىق ەتۋىمەن حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى قر سىرتقى ساياسات مەكەمەسىنىڭ وكىلدەرىمەن كەزدەسىپ, قازاقستاننىڭ ديپلوماتيالىق قىزمەتىن دامىتۋداعى قۇقىقتىق ماسەلەلەر مەن باسىمدىقتاردى تالقىلادى, دەپ حابارلايدى Egemen.kz.
جۇزدەسۋدە سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ "قازاقستان رەسپۋبليكاسىنىڭ ديپلوماتيالىق قىزمەتى تۋرالى" زاڭعا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن تانىستىردى. ودان كەيىن قازىرگى كەزدە سەناتتا قارالىپ جاتقان وسى زاڭ جوباسى بويىنشا پىكىر الماسىلدى.
كەزدەسۋگە قاتىسۋشىلار ديپلوماتتاردىڭ الەۋمەتتىك قورعالۋىن ارتتىرۋ قاجەتتىگى, ولاردىڭ قاتارىنا بىلىكتى جاڭا مامانداردى تارتۋ جانە دايارلاۋ ماسەلەلەرىن تالقىلادى. سەناتورلار سونداي-اق ءبىزدىڭ ديپلوماتتارعا شەت ءتىلىن يگەرۋ جانە مورالدىق-ەتيكالىق تۇرعىدا قويىلاتىن ەرەكشە تالاپتارعا قاتىستى ماسەلەلەرگە نازار اۋداردى.
كەزدەسۋگە مەملەكەتتىك ورگانداردىڭ, سونداي-اق سىرتقى ساياسات مەكەمەسىنە قاتىستى قۇرىلىمداردىڭ باسشىلارى قاتىستى.