بۇگىن اقپارات جانە قوعامدىق دامۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى ايدا بالاەۆا ەلدىڭ رۋحاني كەمەلدىگى مەن ساياسي تۇراقتىلىعى, قوعامدىق بەرەكەسى مەن باستاعان ءىستىڭ باياندىلىعى كوپ جاعدايدا وسى مينيسترلىكتىڭ جۇمىسىنا بايلانىستى ەكەنىن ايتىپ ءوتتى, دەپ حابارلايدى Egemen.kz
«مەملەكەتتىڭ نەگىزگى يدەولوگيالىق ورگاندارىنىڭ ءبىرى رەتىندە ءبىزدىڭ مينيسترلىككە جۇكتەلگەن مىندەتتەردىڭ ورنى ەرەكشە. ۆەدومستۆو تىكەلەي جاۋاپ بەرەتىن ەكى ۇلكەن باعىت – اقپاراتتىق ساياسات پەن قوعامدىق قاتىناستار. ەكەۋى دە ەل پرەزيدەنتى سەنىپ تاپسىرعان جاۋاپكەرلىشىلىگى مول سان-ءتۇرلى سالادان تۇرادى. ەڭ باستىسى – ەلدىڭ رۋحاني كەمەلدىگى مەن ساياسي تۇراقتىلىعى, قوعامدىق بەرەكەسى مەن باستاعان ءىستىڭ باياندىلىعى كوپ جاعدايدا وسى ءبىزدىڭ مينيسترلىكتىڭ جۇمىسىنا بايلانىستى. بۇل جاۋاپكەرشىلىكتى ءبىز جاقسى تۇسىنەمىز, سالماعىن سەزىنەمىز», دەيدى ايدا بالاەۆا.
ەسكە سالا كەتەيىك, اقپارات جانە قوعامدىق دامۋ مينيسترلىگىنىڭ كەڭەيتىلگەن القا وتىرىسى ونلاين فورماتتا ءوتىپ جاتىر.