وبلىستىق توتەنشە جاعداي دەپارتامەنتىنىڭ مالىمەتىنشە, وڭىردە سوڭعى ءبىر ايدىڭ ىشىندە 82 ءورت تىركەلىپ, سالدارىنان 6 ادام قازا تاپقان. قاڭتار باستالعالى, اسىرەسە, جەكە تۇرعىن ۇيلەردىڭ ورتەنۋى جيىلەپ كەتكەن, دەپ حابارلايدى Egemen.kz
تجد باستىعىنىڭ ورىنباسارى ا.ورىمباەۆتىڭ ايتۋىنشا, قايعىلى وقيعالاردىڭ كوبى تۇرعىنداردىڭ الاڭعاسارلىعى مەن قاۋىپسىزدىك شارالارىنا نەمقۇرايلى قاراۋىنىڭ ناتيجەسىندە ورىن الىپ وتىر.
«كوپ جاعدايدا حالىقتىڭ الەۋمەتتىك وسال توپتارىنا جاتاتىن تۇرعىندار جانە ىشىمدىككە سالىنعان ازاماتتار قازا تابادى. تۇرعىن ءۇي سەكتورىنىڭ ءجيى ورتەنۋىنە وتتى ابايسىز پايدالانۋ, پەش ورناتۋ جانە وت جاعۋ بارىسىندا, سونداي-اق ەلەكتر جابدىقتارىن مونتاجداۋ جانە ونى پايدالانۋ كەزىندە قاۋىپسىزدىك شارالارىنىڭ ساقتالماۋى سەبەپ بولىپ وتىر. وكىنىشكە قاراي, ءورت باقىلاۋ قىزمەتكەرلەرىنىڭ تۇرعىن ءۇي سەكتورىن تەكسەرۋگە وكىلەتتىگى جوق», دەدى ازامات ورىمباەۆ.