شىمكەنتتە ەپيدەميولوگيالىق جاعداي تۇراقتى

قر پرەمەر-ءمينيسترى ا.ءماميننىڭ توراعالىعىمەن وتكەن ونلاين جيىندا شىمكەنت قالاسىنداعى مەديتسينا مەكەمەلەرىنىڭ ماتەريالدىق-تەحنيكالىق بازاسى جانە ەپيدەميولوگيالىق جاعداي بويىنشا قالا اكىمى مۇرات ايتەنوۆ مالىمدەدى. 

قازىرگى تاڭدا قالا تۇرعىندارىنا قىزمەت كورسەتەتىن 11 پتر زەرتحاناسى جۇمىس جاساۋدا. زەرتحانالاردا تاۋلىگىنە بارلىعى 6 250 تەست جاساۋ قۋاتتىلىعى بار. جىل باسىنىن بەرى 27 389 پتر تەست وتكىزىلگەنىن, ونىڭ ىشىندە وتكەن تاۋلىكتە 1334 پتر تەست جاسالعانىن جەتكىزدى.

 بيىل ماتەريالدىق-تەحنيكالىق جابدىقتاۋعا 2,4 ملرد. تەڭگە بولىنگەن. قازىرگى تاڭدا قالا تۇرعىندارىنا بارلىعى 21 كومپيۋتەرلىك توموگرافيا اپپاراتتارى قىزمەت ەتۋدە. مەديتسينالىق ۇيىمداردا 615 يۆل اپپاراتى بار. 

- وسى جىلعا بىرىڭعاي ديستريبيۋتور مەديتسينالىق ۇيىمدارمەن ءدارى-دارمەكتەرمەن قامتاماسىز ەتۋگە 6,1 ملرد تەڭگەگە كەلىسىمشارتتار تۇزىلگەن. بۇگىنگى تاڭدا مەديتسينالىق مەكەمەلەرگە ناقتى 170  ملن تەڭگەگە ءدارى-دارمەكتەر جەتكىزىلدى. مەديتسينالىق ۇيىمداردا COVID-19 ىندەتىنە قارسى ەكى ايلىق دارىلىك زاتتار جانە مەديتسينالىق بۇيىمدار قورى قالىپتاستىرىلدى. تۇراقتاندىرۋ قورى شەڭبەرىندە بولشەك ساۋداعا جانە مەديتسينالىق ۇيىمداردىڭ قورىنا ارنالعان ءدارى-دارمەكتەردى ساتىپ الۋعا ءدارىحانالار اينالىمىنا جانە قورلارىن تولىقتىرۋعا 659 ملن تەڭگە ءبولىندى. بۇگىنگى كۇنى جالپى قالاداعى ەپيدەميولوگيالىق جاعداي تۇراقتى, دەپ ءسوزىن تۇيىندەدى مۇرات دۇيسەنبەك ۇلى.