قر قم قمك اقتوبە وبلىسى بويىنشا ەكونوميكالىق تەرگەۋ دەپارتامەنتى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە, اقتوبە قالاسىنىڭ ەكى تۇرعىنىنىڭ الدىن-الا ءسوز بايلاسۋ ارقىلى بەلگىسىز تۇلعالاردان ديزەل وتىنىن تومەندەتىلگەن باعامەن قۇجاتتارسىز ساتىپ الىپ, جالپى كولەمى 4 366,892 توننا ديزەلدى 868 391 921 تەڭگە سوماسىندا ء ار ءتۇرلى جشس-گە ساتقانىن انىقتادى, دەپ حابارلايدى Egemen.kz.
ديزەل وتىنىنىڭ شىعۋىن زاڭداستىرۋ ءۇشىن كۇدىكتىلەر جشس-ءنىڭ قويماسىنان ديزەل وتىنىن جەتكىزۋگە ەكى جشس-مەن جالعان كەلىسىمشارتتار جاساپ, جانارماي تولەمدەرىن قولدان جاساعان.
اقتوبە قالاسىنىڭ № 2 سوتىنىڭ ۇكىمىمەن, اسا ءىرى كولەمدە, شىعۋ تەگى زاڭدىلىعىن راستايتىن قۇجاتتارسىز, مۇناي جانە مۇناي ونىمدەرىن تاسىمالداۋ, الۋ, ساقتاۋ جانە ساتۋ فاكتىسى بويىنشا, اقتوبە قالاسىنىڭ تۇرعىندارى قر قك 197-بابى 4-ب. سايكەس كىنالى دەپ تانىلىپ, ولارعا 4 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى.