جارتى جىل پوليتسەيلەردەن قاشىپ جۇرگەن شىعىس قازاقستان وبلىسىنداعى ءۇرجار اۋدانىنىڭ تۇرعىنى الماتى وبلىسىندا قولعا ءتۇستى, دەپ حابارلايدى Egemen.kz
الماتى وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 2020 جىلدىڭ ءساۋىر ايىندا الماتى وبلىسىنداعى ساياجايلاردىڭ بىرىندە اتىس بولعان. وسى فاكتىگە سايكەس قر قك 293 بابى 3 تارماعى ياعني, «اتىس قۇرالىن قولدانا وتىرىپ بۇزاقىلىق جاساۋ» بويىنشا ءىس قوزعالدى. جەدەل تەكسەرۋ, ىزدەستىرۋ شارالارى بارىسىندا كۇدىكتى انىقتالدى. ول شىعىس قازاقستان وبلىسى ءۇرجار اۋدانىنىڭ 26 جاستاعى تۇرعىنى بولىپ شىقتى.
كۇدىكتى اتالعان قىلمىستى جاساعاننان كەيىن وقيعا ورنىنان قاشىپ كەتكەن. 2020 جىلدىڭ ماۋسىم ايىندا 26 جاستاعى تۇرعىنعا حالىقارالىق ىزدەۋ جاريالاندى. سوت سانكتسياسىنا سايكەس, كۇدىكتى ۇستالعاندا بىردەن قاماۋعا الىنۋى كەرەك. الماتى وبلىسىنىڭ ەڭبەكشىقازاق اۋدانىنداعى كريمينالدىق پوليتسيا ءبولىمىنىڭ ءتارتىپ ساقشىلارى كۇدىكتىنى تاپقان. التى اي ىزدەۋدە جۇرگەن ازامات قاراساي اۋدانىنداعى الىس تۋىستارىنىڭ ۇيىندە جاسىرىنعان. پوليتسيا كۇدىكتىنى ۋاقىتشا ۇستاۋ يزولياتورىنا قامادى.