شىعىس قازاقستان وبلىسىندا پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءبىرىنشى جول-كولىك وقيعاسى كەشە تاڭەرتەڭ بولعان, دەپ حابارلايدى Egemen.kz
«Daewoo اۆتوبۋسىنىڭ 55 جاستاعى جۇرگىزۋشىسى جاناما جولدان تۇكتىباەۆ كوشەسىندەگى باستى جولعا شىعىپ بارا جاتىپ Toyota كولىگىمەن سوقتىعىسقان. قاتتى سوققىدان كەرى سەرپىلگەن اۆتوكولىك تەمىر قورشاۋدى بۇزىپ ءوتتى», دەپ حابارلادى ۆەدومستۆو وكىلدەرى.
جول اپاتىنان ەشكىم زارداپ شەككەن جوق. اۆتوبۋس جۇرگىزۋشىسى اكىمشىلىك جاۋاپكەرشىلىككە تارتىلدى.
«ال ءتۇس كەزىندەگى ەكىنشى وقيعادا قار تيەگەن كاماز اۆتوبۋسپەن سوعىلعان. ەشكىم زارداپ شەككەن جوق. جۇك كولىگىنىڭ جۇرگىزۋشىسىنە قاتىستى اكىمشىلىك حاتتاما تولتىرىلدى», دەپ حابارلادى پوليتسيا.