الماتى اكىمى ب. ساعىنتاەۆ جۇمىس ساپارى بارىسىندا شاھاردىڭ دوستىق داڭعىلىندا ورنالاسقان عيماراتتى جوندەۋ جۇمىستارىمەن تانىستى. الداعى ۋاقىتتا مۇندا الەۋمەتتىك قىزمەتتەر ءۇيى اشىلاتىن بولادى.
قالا اكىمى باقىتجان ساعىنتاەۆ ءوزىنىڭ Instagram-داعى پاراقشاسىندا قالالىقتاردىڭ ء«بىر تەرەزە» قاعيداتى بويىنشا 42 مەملەكەتتىك جانە 7 مەملەكەتتىك ەمەس قىزمەت ءتۇرىن الا الاتىندىعىن جازدى.
الەۋمەتتىك قىزمەتتەر ءۇيىنىڭ ءبىرىنشى قاباتىندا الەۋمەتتىك قامسىزداندىرۋ, تۇرعىن ءۇي ساياساتى باسقارماسى, حالىقتى جۇمىسپەن قامتۋ ورتالىعى, ازاماتتارعا ارنالعان مەملەكەتتىك كورپوراتسيا, كوشى-قون پوليتسياسى, بجزق, مەملەكەتتىك الەۋمەتتىك ساقتاندىرۋ قورى مەن مەديتسينالىق-الەۋمەتتىك ساراپتاما ماماندارىنىڭ قىزمەتىنە جۇگىنە الادى. جوعارعى قاباتتاردا بەيىندى باسقارمالار ورنالاسادى.
«وزىمىزدە وندىرىلگەن ساپاسى جوعارى ارلەۋ ماتەريالى مەن ينتەرەر زاتتارىن پايدالانۋ قاجەتتىگىنە ءمان بەردىم. وسىلايشا الماتىدا تۇرعىنداردىڭ الەۋمەتتىك قىزمەتتەردىڭ بارلىق سپەكترىنە قول جەتكىزە الاتىن جايلى بىرىڭعاي ورتالىق قۇرىلادى», - دەپ جازدى ب. ساعىنتاەۆ.