جىل باسىنان بەرى رەسپۋبليكا اۋماعىندا زاڭسىز اينالىمنان 340 كەلىدەن استام ەسىرتكى الىندى, – دەپ حابارلايدى Polisia.kz.
ىشكى ىستەر ورگاندارى قىزمەتىنىڭ باسىم باعىتى بولىپ تابىلاتىن, ەسىرتكى قىلمىستارىنا قارسى ءىس-قيمىل وزەكتى ماسەلە بولىپ قالا بەرۋدە. بيىلعى جىلدىڭ قاڭتار ايىندا ەسىرتكىنىڭ زاڭسىز اينالىمىنا قاتىستى ەلىمىزدىڭ بىرقاتار وڭىرلەرىندە وتكىزىلگەن ءىس-شارالار بارىسىندا اسا ءىرى مولشەردە ەسىرتكى قۇرالدارىن زاڭسىز ساقتاۋ فاكتىلەرى بويىنشا 90-عا جۋىق قىلمىس انىقتالدى, ونىڭ ىشىندە 59-ى ەسىرتكىنى ساتۋ, 28-ءى ساقتاۋ جانە 6-ى كونتراباندا دەرەگى بولىپ تابىلادى. زاڭسىز اينالىمنان الىنعان ەسىرتكى قۇرالدارىنىڭ جالپى سالماعى 340 كەلىنى قۇرادى, ونىڭ ىشىندە 77 كەلى گاشيش جانە 600 گر گەروين بار.