بۇگىن حالىقارالىق شايبالى حوككەي فەدەراتسياسىنىڭ (IIHF) كەڭەسى 2021 جىلعى الەم چەمپيوناتىن وتكىزەتىن قالا تۋرالى ناقتى شەشىم قابىلدايدى. بۇعان دەيىن تۋرنير لاتۆيا مەن بەلارۋستە وتەدى دەپ جوسپارلانعان, دەپ حابارلايدى Egemen.kz olympic.kz سايتىنا سىلتەمە جاساپ.
الايدا, ءبىر اپتا بۇرىن IIHF مينسكىنى الەم چەمپيوناتىن وتكىزۋ قۇقىعىنان ايىرعان بولاتىن. بۇعان ەلدەگى ساياسي تۇراقسىزدىق پەن كوروناۆيرۋس جاعدايى اسەر ەتكەن.
بەلارۋس استاناسىندا ا توبىنداعى كەزدەسۋلەر, ەكى شيرەك فينال, جارتىلاي فينالدىق ماتچتار جانە ءۇشىنشى ورىن مەن اقتىق سىنداعى كەزدەسۋ وتەدى دەپ جوسپارلاندى.
IIHF كەڭەسى الەم بىرىنشىلىگىن قابىلداۋعا نيەتتى ءۇش قالانى قاراستىرۋدا. مينسكىنىڭ ورنىنا سلوۆاكيانىڭ براتيسلاۆا, دانيانىڭ حەرنينگ جانە لاتۆيانىڭ ريگا قالالارى چەمپيوناتتى وتكىزۋگە دايىن ەكەنىن ايتقان. الايدا,IIHF ليتۆانىڭ ۇسىنىسىنان باس تارتتى.
سوڭعى شەشىم بۇگىن قابىلدانادى.