مەملەكەتتىك قىزمەتپەن قوشتاسقاندار دەكلاراتسيا تاپسىرا ما؟

مەملەكەتتىك كىرىستەر كوميتەتىنىڭ ءباسپاسوز قىزمەتىنىڭ وكىلى اينۇر سارتاەۆانىڭ ايتۋىنشا, بۇرىن, 2021 جىلدىڭ 1 قاڭتارىنا دەيىن, قازاقستان رەسپۋبليكاسىنىڭ «سىبايلاس جەم­قور­لىققا قارسى ءىس-قيمىل تۋرالى» زاڭىنا سايكەس (11-باپتىڭ 3-تارماعى) مەملەكەتتىك قىزمەتتەن تەرىس سەبەپتەرمەن بوساتىلعان ادامدار جۇمىس­تان شىعارىلعاننان كەيىن ءۇش جىل ىشىندە تۇرعىلىقتى جەرى بويىنشا مەملەكەتتىك كىرىستەر ورگانىنا كىرىستەر مەن م ۇلىك تۋرالى دەكلاراتسيانى تاپسىرۋعا مىندەتتى بولاتىن (ەسەپ نىسانى 230.00).

ەندى جالپىعا بىردەي دەكلارا­تسيا­نىڭ ەنگىزىلۋىنە بايلانىستى 2021 جىل­دىڭ 1 قاڭتارىنان باستاپ مەملەكەتتىك قىزمەتتەن تەرىس سەبەپتەرمەن بوساتىلعان ادامدار ءۇشىن 230.00 نىسانى بويىنشا كىرىستەر مەن م ۇلىك تۋرالى دەكلاراتسيانى تاپسىرۋ توقتاتىلادى.

2020 جىلى م ۇلىكتىك تابىستى, قازاق­ستان رەسپۋبليكاسىنان تىس جەر­لەر­دەگى كوزدەردەن تابىستى جانە سالىق كودەكسىنىڭ 363-بابىندا كوزدەل­گەن وزگە دە كىرىستەردى العان جاعداي­دا اتالعان تۇلعالار ورنالاسقان (تۇرعىلىقتى) جەرى بويىنشا سالىق ورگانىنا جەكە تابىس سالىعى بويىنشا دەكلاراتسيانى (240.00-نىسان) تابىس ەتەتىنىن ەسكەرۋ قاجەت. بۇل دەكلاراتسيانى تاپسىرۋ مەرزىمى – 2021 جىلعى 31 ناۋرىز.

ەگەر جەكە تۇلعا قاتەلەسىپ, 2020 جىلعا ارنالعان 230.00-نىسانداعى دەكلاراتسيانى تاپسىرسا, وندا مۇنداي دەكلاراتسيا كەرى قايتارىلىپ الۋى ءتيىس.

ەسكە سالا كەتەيىك, اعىمداعى جىل ەلى­مىزدە جالپىعا بىردەي دەكلاراتسيا­لاۋدى ەنگىزۋدىڭ ءبىرىنشى كەزەڭىنىڭ باسى بولادى.

سالىق كودەكسىندە جالپىعا بىردەي دەكلاراتسيالاۋدى ءتورت كەزەڭمەن جۇزە­گە اسىرۋ قاراستىرىلعان. ءبىرىنشى كەزەڭ­­دە (2021 جىلعى 1 قاڭتاردان باس­تاپ): جاۋاپتى مەملەكەتتىك لاۋازىم­دى اتقاراتىن ادامدار مەن ولاردىڭ جۇ­باي­­لارى (زايىپتارى); مەملەكەتتىك فۋنك­تسيالاردى ورىنداۋعا ۋاكىلەتتىك بەرىل­گەن جانە ولارعا تەڭەستىرىلگەن ادام­­­دار, سونداي-اق ولاردىڭ جۇباي­لارى (زايىپتارى); «قازاقستان رەسپۋب­ليكا­­سىنداعى سايلاۋ تۋرالى قازاقستان رەس­پۋب­ليكاسىنىڭ كونستيتۋتسيالىق زاڭى­نا جانە «سىبايلاس جەمقورلىققا قار­سى ءىس-قيمىل تۋرالى», «قازاقستان رەس­پۋب­ليكاسىنداعى بانكتەر جانە بانك قىز­مەتى تۋرالى», «ساقتاندىرۋ قىزمەتى تۋرا­لى», «باعالى قاعازدار رىنوگى تۋرا­لى» قازاقستان رەسپۋبليكاسىنىڭ زاڭى­نا سايكەس تابىس ەتۋ مىندەتى جۇك­تەل­گەن ادام­دار دەكلاراتسيا تاپسىرۋعا مىندەتتى.