تاۋارلاردى سىنىپتاۋ تۋرالى الدىن الا شەشىمدەر ۋاقىتى ەكى ەسەگە قىسقاردى. بۇل ەاەو سىرتقى ەكونوميكالىق قىزمەت تاۋار نومەنكلاتۋراسىنا سايكەس تاۋارلاردى جىكتەۋ تۋرالى شەشىم قابىلداۋعا ءوتىنىمدى ەلەكتروندى تۇردە بەرۋگە جاعداي جاسايتىن نورمالار ارقىلى مۇمكىن بولدى. مۇنداي وزگەرتۋلەر «قازاقستان رەسپۋبليكاسىنداعى كەدەندىك رەتتەۋ تۋرالى» كودەكستىڭ ەرەجەلەرىنە ەنگىزىلدى, دەپ حابارلايدى مەملەكەتتىك كىرىستەر كوميتەتى.
كوميتەتتىڭ اقپاراتتىق جۇيەلەرىندە ءوتىنىش بەرۋشىلەردىڭ وسىنداي وتىنىشتەردى (ەلەكتروندى نەمەسە سكانەرلەنگەن قۇجاتتاردى قوسا بەرە وتىرىپ) ەلەكتروندى تۇردە بەرۋ مۇمكىندىگى ىسكە اسىرىلدى.
كورسەتىلگەن وتىنىشتەر مەملەكەتتىك كىرىستەر ورگانىنا تاۋاردى ەاەو سەق تن ون ءماندى كودى دەڭگەيىندە جىكتەۋگە مۇمكىندىك بەرەتىن تاۋار تۋرالى مالىمەتتەردى راستايتىن قۇجاتتاردىڭ ەلەكتروندى نە سكانەرلەنگەن كوشىرمەلەرىن قوسا بەرە وتىرىپ بەرىلەتىن بولادى. ەنگىزىلگەن تۇزەتۋلەرمەن تاۋارلاردى سىنىپتاۋ تۋرالى شەشىمدەردى بەرۋ مەرزىمدەرى ايتارلىقتاي قىسقارعانىن اتاپ ءوتۋ قاجەت. وسىلايشا, تاۋارلاردى سىنىپتاۋ تۋرالى الدىن الا شەشىمدەر قابىلداۋ 20 جۇمىس كۇنىنەن 10 جۇمىس كۇنىنە دەيىن قىسقارتىلدى, ال جيناقتالماعان تۇردە جەتكىزىلەتىن تاۋارلاردى (بۇلارعا زاۋىتتار مەن فابريكالارعا ارنالعان جابدىقتار جاتادى جانە ت.ب.) سىنىپتاۋ تۋرالى شەشىمدەر قابىلداۋ 30 جۇمىس كۇنىنەن 20 جۇمىس كۇنىنە دەيىن قىسقارتىلدى.
وسىلايشا, 2021 جىلعى 1 قاڭتاردان باستاپ كۇشىنە ەنگەن «قازاقستان رەسپۋبليكاسىنداعى كەدەندىك رەتتەۋ تۋرالى» قازاقستان رەسپۋبليكاسىنىڭ كودەكسىنە تۇزەتۋلەر بيزنەسكە سالىستىرمالى تۇردە قىسقا مەرزىمدە تاۋارلاردى بايلانىسسىز فورماتتا جىكتەۋ تۋرالى شەشىمدەر الۋعا ىقپال ەتەدى.