پاۆلودار قالاسىنىڭ تۇرعىنى «انام قاتتى اۋىرىپ جاتىر» دەگەن جەلەۋمەن الەۋمەتتىك جەلىدە جۇزگە جۋىق ادامدى قۇرىعىنا تۇسىرگەن, دەپ حابارلايدى Egemen.kz
پاۆلودارلىق جاس جىگىت اناسىنىڭ ەمدەلۋىنە اقشا اۋدارۋدى وتىنگەن. كوبىنە الدانىپ قالعانداردىڭ باسىم كوپشىلىگى قىزدار بولعان. پوليتسيانىڭ مالىمەتىنشە, سوت وعان قاتىستى 3,6 جىلعا باس بوستاندىعىنان ايىرۋ جانە 100 ساعات ءماجبۇرلى ەڭبەككە تارتۋ تۋرالى ۇكىم شىعارعان.
قىلمىستىق ءىس ماتەريالدارى بويىنشا جاس جىگىت Instagram جەلىسىندەگى پاراقشاسىندا ءوزىنىڭ رەسەيدە ەكەنىن, ال ناۋقاس اناسى ەكىباستۇزدا تۇراتىنىن جانە وعان ەمدەلۋ ءۇشىن شۇعىل اقشا كەرەگىن حابارلاعان.
«الاياق Instagram جەلىسىندە جالعان پاراقشالار اشىپ, نەگىزىنەن, قىزدارمەن تانىسقان. كەيىن اناسىنىڭ ەمدەلۋىنە اقشا اۋدارۋدى ءوتىنىپ, قىزداردان بانك شوتتارىنىڭ دەرەكتەمەلەرىن جانە جەكە دەرەكتەرىن بەرۋدى سۇراعان. الىنعان مالىمەتتەر بويىنشا ونلاين-نەسيە رەسىمدەگەن», دەدى پاۆلودار وبلىسى پوليتسيا دەپارتامەنتى باستىعىنىڭ ورىنباسارى ەلدار ابدىكەنوۆ.
پوليتسيانىڭ مالىمەتىنشە, پاۆلودار تۇرعىنى 92 قازاقستاندىقتى الداعان.