اكىمدىكتەردە بەتبۇرىس بار (ول – مينيسترلىكتەرگە ونەگە)

كەڭەس جۇمىسىنا ۆيتسە-مينيس­ترلەر جانە وڭىرلەر اكىم­دەرىنىڭ وسى جوبانى ىسكە اسىرۋعا جاۋاپتى ورىن­­­باسارلارى, ورتالىق مەم­­ل­­ەكەتتىك ورگانداردىڭ اۋماقتىق بولىمشەلەرىنىڭ باس­شىلارى, ادەپ جونىندەگى ۋا­كىلدەر جانە جۇرتشىلىق وكىل­دەرى قاتىستى.

كەڭەس بارىسىندا رەسپۋب­ليكا­لىق جوبالىق كەڭسەنىڭ باسشىسى تولەگەن بايعۇلوۆ جوبانى ىسكە اسىرۋدىڭ وڭ ناتي­جەلەرىن اتاپ ءوتتى.

«تۇرمىستىق سىبايلاس جەمقورلىقتى جويۋدىڭ پار­­مەن­دى قۇرالى اشىقتىق پەن ايقىندىق بولىپ تابىلاتىنىن ەسكەرە وتىرىپ, Adaldyq alany رەس­پۋب­لي­­كالىق جوباسى اياسىندا مەملەكەتتىك اپپارات­تىڭ كليەنت­كە باعدارلانۋىن قام­تا­ماسىز ەتۋگە ەرەكشە نازار اۋدارىلدى. وسىلايشا, 317 اكىمدىكتىڭ سەرۆيستىك جۇ­مىس مودەلىنە كوشكەنىن اتاپ وتكەن ءجون. وبلىستىق ماڭىزى بار قالالار مەن اۋدان­دار ءجۇز پايىز قامتا­ما­سىز ەتىلدى», دەدى ول.

جوبا ۇيلەستىرۋشىلەرىنىڭ ايتۋىنشا, اتقارىلعان جۇ­مىس مەملەكەتتىك قىزمەت­تەر­­­دىڭ قولجەتىمدىلىگىن قام­­­تا­­ماسىز ەتە وتىرىپ, شەنەۋ­نىك­تەردىڭ ۇيىم­داس­تى­رۋ­شى­لىق مادەنيەتىن كوتە­رۋ­گە مۇم­كىندىك بەردى.

جوبالىق كەڭەستەردىڭ مەنەدجەرلەرى مەملەكەتتىك كور­­سەتىلەتىن قىزمەتتەردى ۇدە­مەلى تسيفرلاندىرۋدى جال­­عاستىرىپ, ونىڭ دەڭ­گەيى وتكەن جىلدىڭ قورىتىن­دى­­سى بويىنشا 93 پايىزدى قۇرادى.

جوباعا قوعام بەلسەن­دى­لە­رىنىڭ قاتىسۋى ارتا تۇسكەن. 80 مىڭعا جۋىق ەرىكتى سىبايلاس جەمقورلىققا جول بەرمەۋ شارالارىنا اتسالىسىپ ءجۇر. Adaldyq alany وڭىرلىك جوبالىق كەڭسەلەرىنىڭ جە­تەك­­شى­لەرى ءوڭىر اكىمدەرىنىڭ شتات­تان تىس كەڭەسشىلەرى بولىپ تاعايىندالعان.

ازاماتتاردىڭ الەۋمەتتىك ماڭىزدى ماسەلەلەر بويىن­شا قوعامدىق مونيتورينگ­تەر­گە باستاماشىلىق جاساۋ­عا جانە وعان قاتىسۋعا مۇم­كىن­دىك تۋعىزىلعان. ولار وتكەن جىلى ءدارى-دارمەك­پەن قام­­­­تاماسىز ەتۋ, قاشىقتان وقى­­تۋدى ۇيىم­داس­تى­رۋ, جول قۇ­رى­لىسى جانە باسقا وزەك­تى ما­سە­لەلەردى با­قى­ل­اۋعا تىكە­لەي قاتىستى.

جوبالىق كەڭسەلەردىڭ تۋىنداعان پروبلەمالاردى شەشۋ ءۇشىن كەز كەلگەن ادام جۇگىنە الاتىن فەيسبۋك الەۋمەتتىك جەلىسىندەگى رەسمي پاراقشالارى بار. ولارعا وتكەن جىلى جۇگىنگەن 11 500 ازاماتتىڭ 80 پايىزى سىبايلاس جەمقورلىق تاۋە­كەلدەرىمەن بايلانىستى تۇيت­كىلدى ماسەلەلەردىڭ وڭ شەشىل­ۋىنە ۇيىتقى بولعان.

وڭىرلەردە جوبانى ىسكە اسىرۋدىڭ وڭ ناتيجەلەرىن ەسكەرە وتىرىپ, سىبايلاس جەمقورلىققا قارسى ۆە­دوم­ستۆو باسشىسى اليك شپەك­باەۆ ۆيتسە-مينيستر­لەر­دى وسىنداي جۇمىستى مينيستر­لىكتەر دەڭگەيىندە ۇيىمداس­تىرۋعا شاقىردى. ونىڭ ايتۋىنشا, جوبالىق كەڭسەلەر بيۋدجەت قاراجا­تى­نىڭ جۇمسالۋىن با­قى­لاۋ­دا, سىبايلاس جەمقور­لىق تاۋەكەلدەرىن بولدىر­ماۋدا جانە مەملەكەت­تىك قى­ز­مەت­تەردى تسيفرلان­دى­­رۋدى جەدەلدەتۋدە, كە­دەر­گى­سىز فرونت-وفيس­تەر­دى ەن­گىزۋ ارقىلى حا­لىق­قا قىز­مەت كورسەتۋدىڭ سەر­­ۆيس­تىك مودەلىنە كوشۋدە ازا­مات­­­­تىق قوعامنىڭ كەڭى­نەن قاتىسۋىمەن سىبايلاس جەم­قور­لىققا قارسى باس­تا­ما­لار­دىڭ گەنەراتو­رى بو­لۋ­عا ءتيىس. بۇل ءوز كەزە­گىن­دە ورتالىق ات­قا­رۋشى ورگان­دار­دىڭ جۇ­مىسىن اشىق­تىق جانە حا­لىق­قا ەسەپ بەرۋ جا­عىنا قاراي تۇبەگەيلى وزگەر­تە­دى.

سونداي-اق اليك شپەك­باەۆ ەل باسشىلىعىنا جولداۋ ءۇشىن سىبايلاس جەم­قور­لىق­تى ازايتۋعا اسا ىقىلاس تانىتپاعان باسشىلار تۋرالى اقپارات دايىنداۋ تۋرالى تاپسىرما بەردى.