بالالارى ۇرىپ سوققان قارت انا قۇقىق بۇزۋشىلارمەن تاتۋلاسقانىمەن, اليمەنت ءوندىرىپ الاتىن بولدى, دەپ حابارلايدى Egemen.kz
بۇل تۋرالى ادۆوكات ەركىن قاحاروۆ ءوزىنىڭ Facebook پاراقشاسىندا جازدى.
بۇعان دەيىن حابارلاعانىمىزداي, شىمكەنت قالاسىندا انالارىن قىزدارى مەن كۇيەۋ بالالارى ءۇيدى ءبولىسۋ ءۇشىن ۇرىپ-سوققان.
سوتتىڭ الدىن الا مالىمەتى بويىنشا اباي اۋداندىق سوتىنا زەينەتكەردىڭ بالالارىنان اليمەنت ءوندىرىپ الۋ تۋرالى ارىز تۇسكەن.
سۋديا سوت پروتسەسىنىڭ بارلىق قاتىسۋشىسىن مەدياتسيا بولمەسىنە شاقىرىپ, تاراپتاردى تاتۋلاستىردى. قارت انانىڭ بالالارى قاتەلىكتەرىن مويىنداپ, كەشىرىم سۇراعان.
كەيىن سوت وكىلى اجەنىڭ اليمەنت الاتىنىن مالىمدەدى.
ايتا كەتسەك, قازىرگى ۋاقىتتا اتالعان جاعداي بويىنشا سوتقا دەيىنگى تەرگەۋ ءىسى جۇرگىزىلىپ جاتىر.
ايتولقىن مىرزاكاريم