Twitter اقش-تاعى قىتاي ەلشىلىگىنىڭ رەسمي اككاۋنتىن بۇعاتتاپ تاستادى. بۇعان سەبەپ ەلشىلىكتىڭ ۇيعىرلار تۋرالى جاريالانعان جازباسى بولىپ وتىر, دەپ حابارلايدى Egemen.kz
جازبادا ەلشىلىك بەيجىڭنىڭ شىڭجاڭداعى ساياساتىن قورعاپ, بۇل ايماقتا ۇيعىر ايەلدەرىن ماجبۇرلەپ زارارسىزداندىرۋ جۇرگىزىلىپ جاتىر دەگەن ايىپتاردى جوققا شىعارعان ەدى.
ۇيعىر ايەلدەرىنىڭ بۇدان بىلاي «بالا كوتەرۋ ماشينالارى» ەمەس ەكەندىگى تۋرالى حابارلاما 7 قاڭتاردا جاريالاندى, بىراق ءبىر كۇننەن كەيىن Twitter حابارلامانى جويىپ, «بۇل تۆيت ەندى قول جەتىمدى ەمەس» دەگەن قولتاڭبامەن الماستىردى.
اگەنتتىك Twitter اككاۋنت يەسىنەن كىرۋدى قالپىنا كەلتىرۋ ءۇشىن ۇقساس حابارلامانى قولمەن جويۋدى تالاپ ەتەتىنىن ايتادى.
ء«بىز بۇل تۆيتتەردە ادامگەرشىلىككە قارسى ساياساتىمىزدى بۇزعانى ءۇشىن وسى ارەكەتتى جاسادىق», دەدى Twitter وكىلى. ول اقش-تاعى قحر ەلشىلىگىنىڭ اككاۋنتى ءالى دە بۇعاتتا تۇرعانىن اتاپ ءوتتى.