الماتىدا كوروناۆيرۋستىق جاعداي كۇردەلەنە ءتۇستى

الماتىدا بۇگىنگى كۇنى كوروناۆيرۋس ينفەكتسياسىنىڭ 20 635 جاعدايى تىركەلدى, ونىڭ 12 927-ءى سيپتومدى, 7 708-ءى سيمپتومسىز. اعىمداعى جىلدىڭ 19 قاڭتارىنا COVID-19 اۋرۋىنىڭ 127 جاعدايى تىركەلدى, ونىڭ ىشىندە 84 جاعداي سيپتومدى, 28-ءى سيمپتومسىز. جالپى جۇقتىرۋدىڭ تاۋلىكتىك ءوسىمى 0,5%-دى قۇرايدى. الماتىدا ۆيرۋستىڭ رەپرودۋكتيۆتىلىك كورسەتكىشى 0,954 (رەسپۋبليكا بويىنشا - 1,1).

ينفەكتسيا نەگىزىنەن قوعامدىق ورىنداردا جۇعۋدا. 3-19 قاڭتار ارالىعىندا قوعامدىق ورىنداردا (40,1%), وتباسىنداعى كۆي ناۋقاسپەن بايلانىس (27,4%), قالالىق كولىكتە (22,8%), جۇمىس ورنىندا كۆي ناۋقاسپەن بايلانىس كەزىندە (5,6%), شەتەلدەردەن جانە وزگە وڭىرلەردەن اكەلىنگەن ينفەكتسيا (2,6%). ينفەكتسيا جۇقتىرۋدىڭ جاعدايلارى جاس قۇرىلىمدارى بويىنشا: 20-39 جاستاعىلار - 34,7%; 40-59 جاستاعىلار - 28,7%; 60 جاس جانە ودان ۇلكەن جاستاعىلار - 21,3%.

ينفەكتسيالىق ستاتسيونارلاردا 810 ادام ەمدەلۋدە, ونىڭ ىشىندە 20 – بالا بار, 17 ناۋقاستىڭ جاعدايى وتە اۋىر, 147 ناۋقاستىڭ جاعدايى اۋىر, 644-ءىنىڭ جاعدايى ورتاشا اۋىر, 2 ناۋقاستىڭ جاعدايى جەڭىل. جازىلىپ شىققاندارى – 82, اۋرۋحاناعا تۇسكەندەرى – 112.

قالىپتاسقان جاعدايدى ەسكەرە وتىرىپ, قالا اكىمى ب. ساعىنتاەۆ قالالىقتارعا سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋ قاجەتتىگىن ەسكەرتتى.

الماتى اكىمى تىكەلەي ەفير بارىسىندا قالا تۇرعىندارىن تولعاندىراتىن ءتۇرلى ساۋالدارعا, ونىڭ ىشىندە جولداردى سالۋ مەن جوندەۋ, گازبەن جابدىقتاۋ, مۇگەدەكتەردى قولداۋ جانە مەگاپوليستىڭ ينفراقۇرىلىمىن دامىتۋ ماسەلەلەرىنە قاتىستى قويىلعان سۇراقتارعا جاۋاپ بەردى.