قازاقستان قارجىگەرلەر قاۋىمداستىعىنىڭ تالداۋ ورتالىعى قارجى نارىعىنىڭ كاسىبي قاتىسۋشىلارىنا 2021 جىلدىڭ قاڭتار ايىندا كەيبىر ينديكاتورلارعا قاتىستى كەزەكتى ساۋالناما ناتيجەلەرىن ۇسىنىپ وتىر, دەپ حابارلايدى Egemen.kz.
زەرتتەۋدە قارجى نارىعىنىڭ كاسىبي قاتىسۋشىلارىنىڭ, بانك, ساقتاندىرۋ, بروكەرلىك ۇيىمدار وكىلدەرىنىڭ, تالداۋ جانە قازىناشىلىق بولىمشەلەرى قىزمەتكەرلەرىنىڭ پىكىرى زەردەلەندى. وسى جاريالانىمدا كەلەسى نەگىزگى ينديكاتورلار بويىنشا بولجامدارعا قاتىستى سۇراقتارعا رەسپوندەنتتەردىڭ جاۋاپتارى بەرىلگەن:
Brent ماركالى مۇنايدىڭ قۇنى; رەسەي رۋبلىنە قارسى اقش دوللارىنىڭ قۇنى; قازاقستاندىق تەڭگەگە قارسى اقش دوللارىنىڭ قۇنى; ينفلياتسيا; ءىجو; قرۇب بازالىق مولشەرلەمەسى.سونىمەن ءتۇيىن تومەندەگىدەي.
قارجى نارىعىنىڭ ساراپشىلارى قىسقا مەرزىمدى كەلەشەكتە كۋرستىڭ كۇرت قوزعالىسىن كۇتپەيدى: USDKZT باعامى 419,64 تەڭگە دەڭگەيىندە بولجانۋدا.
الايدا, باعام بويىنشا ورتاشا مەرزىمدى كۇتۋلەر مۇناي باعاسىنىڭ وسۋىنە قاراماستان ءبىرشاما ناشارلادى. ءبىر جىلدان كەيىن USDKZT باعامى ءبىر اي بۇرىن ءبىر دوللار ءۇشىن 429,73 تەڭگەگە قارسى ءبىر دوللار ءۇشىن 431,6 تەڭگە دەڭگەيىندە بولجانادى.
ينفلياتسيالىق كۇتۋلەر ناقتى ينفلياتسيانىڭ سوڭعى تەرىس ۇردىستەرى اياسىندا ءوسىپ كەلە جاتقان ديناميكانى كورسەتتى. جىلدىق ينفلياتسيا 12 ايدان كەيىن بۇرىن 6,9%-عا ءوسۋ كۇتىلۋىنە قارسى 7,1%-دى قۇراۋى مۇمكىن.
بۇل رەتتە 2021 جىلى ەكونوميكانىڭ ءوسۋى بويىنشا كۇتۋلەر جاقسارۋدى جالعاستىردى: ساراپشىلاردىڭ پىكىرىنشە, ء ىجو كەلەسى 12 ايدا 2,7%-عا (بۇرىن 2,5%) وسەدى.
ساراپشىلار 25 قاڭتارداعى وتىرىستىڭ قورىتىندىسى بويىنشا بازالىق مولشەرلەمەنىڭ جىلدىق 9,0% دەڭگەيىندە ساقتالۋىن كۇتۋدە. بىراق 2021 جىلدىڭ قورىتىندىسى بويىنشا ول 25 ب.پ.تومەندەۋى مۇمكىن.