ەلىمىزدە ەت باعاسى قىمباتتادى

2020 جىلدىڭ ءۇشىنشى توقسانىندا ءاربىر قازاقستاندىق ورتا ەسەپپەن 21,3 كەلى ەت جانە ەت ونىمدەرىن تۇتىنعان. بۇل 2020 جىلدىڭ ەكىنشى توقسانىمەن سالىستىرعاندا 1 كەلى جانە 2019 جىلدىڭ ءۇشىنشى توقسانىمەن سالىستىرعاندا 1,4 كەلى ارتىق.

ايتا كەتسەك, ەت تۇتىنۋ كورسەتكىشى ەلىمىزدىڭ بارلىق وڭىرلەرىندە ارتتى. ونىڭ ىشىندە ەت جانە ەت ونىمدەرىن تۇتىناتىندار قاتارىندا قاراعاندى وبلىسى تۇرعىندارى, وندا ءار تۇرعىن ورتا ەسەپپەن 26,8 كەلى ەت جەيدى ەكەن, ودان كەيىن اقمولا وبلىسىنىڭ (25,4 كگ) جانە الماتىنىڭ (25,2 كەلى) تۇرعىندارىن اتاپ وتسەك بولادى.

ەت تۇتىنۋدىڭ وسۋىمەن ەلدە ەت باعالارى دا ايتارلىقتاي ءوستى. ءبىر جىل ىشىندە ەڭ كوپ مولشەردە قوي ەتى قىمباتتادى: بىردەن 16,2%-عا, كەلى ءۇشىن 1990,3 تەڭگەگە دەيىن, ال جىلقى ەتىنىڭ باعاسى 11,9%-عا, ءوستى, ياعني ءبىر كەلىگە 2271,8 تەڭگەگە قىمباتتاعان. قازاقستاندىقتار اراسىندا كوپ الىناتىن سيىر ەتىنىڭ باعاسى دا 8%-عا, ياعني ءبىر كەلى ءۇشىن 1947,4 تەڭگەگە دەيىن وسكەن.

ايتولقىن مىرزاكاريم