ءوڭىردىڭ دامۋ قارقىنى ارتتى

وبلىستىق ەكونوميكا جا­نە بيۋدجەتتىك جوس­پارلاۋ باس­قارماسىنىڭ باستىعى گۇل­بارام مۇساعازينانىڭ ايتۋىنشا, بىلتىرعى جىل­دىڭ قو­رىتىندىسى بويىنشا ايماق­تا وڭ ءوسىم باي­قالادى. اتاپ ايتقاندا, ونەركاسىپ ءوندىرىسىنىڭ ءوسىمى – 7,4 پايىزعا, وڭدەۋ سالا­سىنداعى ءوسىم – 20,2 پايىزعا, اۋىل شارۋا­شىلىعىنداعى ءوسىم – 20,8 پايىزعا, قۇرىلىس جۇ­مىستارىندا – 28,4 پايىز, تۇرعىن ۇيلەردى ىسكە قوسۋداعى ءوسىم 3,1 پايىزعا ارتقان. وبلىس ەكونوميكاسىنا 329,5 ملرد تەڭگە ينۆەستيتسيا تارتىلدى.

گۇلبارام مۇساعازينا ءار اۋدان مەن قالا­لارداعى قول جەت­كىزىلگەن جەتىستىكتەرگە جەكە-جەكە توقتالدى.

– وتكەن جىلدىڭ باسىنان بەرى ونەركاسىپ كاسىپورىندارى 1,5 ترلن تەڭگە پايدا تۇسىرگەن. ونەركاسىپ ءوندىرىسىنىڭ ءوسۋى اۋدان­دارداعى كاسىپ­ورىنداردىڭ ۇيلە­سىمدى جۇمىسى ناتي­جەسىندە قام­تاماسىز ەتىلدى. مەڭدىقارا اۋدانىندا سارى ماي مەن سۇزبە ءوندىرۋ جولعا قويىلدى, جىلۋ ەنەرگياسى مەن اۋىز سۋ تارتۋ جۇمىستارى قارقىن الدى, – دەدى ول.

قاراسۋ اۋدانىندا ۇن, نان, تاۋارلىق بەتون ءوندىرىسى جولعا قويىلدى. قوستاناي قالا­سىندا بولاتتان جاسالعان شاناقتار مەن ءتۇر­لى تەحنيكالاردىڭ قوسالقى بولشەك­تەرىن, تراك­تورلاردىڭ, جەڭىل جانە جۇك اۆتومو­بيل­دەرىن شىعارۋ قارقىنى كۇشەيدى. سونداي-اق شۇجىق پەن ۇن نارى­عىندا ءوسىم بايقالادى. قارا­بالىق اۋدانىندا قيىرشىق تاس پەن جەم شىعارۋ كولەمى ءوستى.

اپپارات جيىنىندا ايتىل­عانداي, اۋىل شارۋا­شىلىعى ءونىمىنىڭ 75 پايىزدان استامى ايماقتاعى قاراسۋ, قوستاناي, فەدوروۆ, سارىكول, مەڭدىقارا, قارابالىق, اۋليەكول, ۇزىنكول, قامىستى جانە بەيىمبەت مايلين اۋدان­دارىنا, سونىمەن قاتار ارقالىق قالا­سىنا تيەسىلى.

وڭىرلەردە قۇرىلىس يندۋسترياسى قارقىن­دى ءوسىپ كەلەدى. 2020 جى­لى وبلىستا 379,4 مىڭ شارشى مەتر تۇرعىن ءۇي پايدا­لانۋعا بەرىلدى.

وبلىس اكىمى ارحيمەد مۇ­حامبەتوۆ الەۋ­مەتتىك-ەكونو­ميكالىق كورسەتكىشتەردى جاق­سار­تۋ بويىنشا ءتيىستى باسقارمالار مەن اۋدان-قالالاردىڭ باسشىلارىنا تاپسىرما جۇكتەدى.

– 2020 جىل ەشكىمگە وڭاي تيگەن جوق. ەكونوميكانىڭ كوپتەگەن سالاسى ايتار­لىق­تاي زيان شەكتى. دە­گەنمەن نەگىزگى ماكرو­ەكونو­مي­كالىق كورسەتكىشتەردىڭ ءوسۋ قارقىنى بويىن­شا وبلىس جەتەك­شى ورىنعا شىقتى, – دەدى ايماق باسشىسى.

اكىم اتاپ كورسەتكەندەي, ال­داعى ۋاقىتتا دا مەم­لەكەتتىك باعدارلامالاردىڭ ورىندالۋى, نىسانالى ينديكاتورلاردىڭ ستراتە­گيالىق كارتاسىنىڭ ىسكە اسۋى باستى نازاردا بولادى. ەڭ باستىسى, اكىم­دەر جەرگىلىكتى پروبلەمالاردى باقىلاۋدا ۇستاۋعا ءتيىس. الەۋ­مەتتىك-ەكونوميكالىق دامۋدىڭ بارلىق كورسەتكىشتەرىنە وڭ سەرپىن بەرۋ قاجەت.