بىلتىر قاراشا ايىندا ەلىمىزدىڭ ەگىن شارۋاشىلىعى دامىعان 4 وبلىسىندا ەسكىرگەن اۋىلشارۋاشىلىق تەحنيكالارى ۋتيليزاتسياعا قابىلدانا باستاعانى بەلگىلى. ول جولى جالپى سانى 120 اۋىلشارۋاشىلىق تەحنيكاسىن قابىلداپ, قايتا وڭدەۋگە جونەلتكەن «وكم وپەراتورى» بيىل ەلىمىزدىڭ 11 وڭىرىندە 2380 اۋىلشارۋاشىلىق تەحنيكاسىن قابىلداۋدى كوزدەپ وتىر, دەپ جازادى Egemen.kz
قوستاناي وبلىسىندا 222 تراكتورعا جانە 56 كومباينعا كۆوتا بولىنگەن. وبلىس تۇرعىندارى ەسكىرگەن اۋىلشارۋاشىلىق تەحنيكاسىن جەڭىلدىك سەرتيفيكاتىنا ايىرباستاپ, ونى وتاندىق كولىك نەمەسە اۋىلشارۋاشىلىق تەحنيكاسىن ساتىپ الۋ بارىسىندا پايدالانا الادى. سەرتيفيكاتتىڭ قۇنى جويۋعا جىبەرىلەگەن كولىك تۇرىنە بايلانىستى 560 مىڭ تەڭگەدەن 2 ملن تەڭگەگە دەيىن بارادى. سەرتيفيكاتتاردىڭ جارامدىلىق مەرزىمى - 1 جىل. مۇنىڭ سىرتىندا, ەكى سەرتيفيكاتتى بىرىكتىرۋگە نەمەسە باسقا ادامعا تىركەۋگە مۇمكىندىك بار.