نۇر-سۇلتاندا ەر ادام ايەلىن ءولتىرىپ, كەيىن ءوز-وزىنە قول جۇمسادى, دەپ حابارلايدى Egemen.kz.
وقيعا 16 قاڭتاردا ەلورداداعى تۇرعىن ءۇي كەشەندەرىنىڭ بىرىندە بولعان. رەداكتسيا جولداعان ساۋالعا پوليتسيا قىزمەتكەرلەرى تۋىستار اراسىندا جانجال تۋىنداعانىن حابارلاپ, جاۋاپ بەردى.
«ايەلى پىشاق جاراقاتىنان بىردەن ءولىم قۇشقان. كەيىن ونىڭ اپكەسىنە شابۋىلداپ, پىشاق تاقاعان», دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
مارقۇمنىڭ اپكەسى پاتەردەن قاشىپ شىعىپ, كورشىلەرىن كومەككە شاقىرعان. ايعاي-شۋدى ەستىگەن كورشىلەرى پوليتسيا قىزمەتكەرلەرىنە حابار بەرگەن.
«پاتەر ەسىگىن ىشىنەن جاۋىپ العان. كەلگەن پوليتسيا جاساعى ەسىكتى بۇزىپ كىردى. پاتەردەن 46 جاستاعى ايەل مەن ونىڭ كۇيەۋى ءولى تابىلدى. كۇيەۋى ءوزىن پىشاقتاپ تاستاعان. وقيعا ورنىنا كەلگەن جەدەل جاردەم بريگاداسى ەر ادامنىڭ ولگەنىن تىركەدى», دەلىنگەن پب حابارلاماسىندا.
قۇقىق قورعاۋ ورگاندارى تەرگەۋ جۇرگىزىپ جاتىر.