سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسى بولدى. وندا «قازاقستان رەسپۋبليكاسىنىڭ ۇكىمەتى مەن ءبىلىم, عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمى (يۋنەسكو) اراسىنداعى يۋنەسكو اياسىندا مادەنيەتتەردى جاقىنداستىرۋ حالىقارالىق ورتالىعىن (2-سانات) قۇرۋ تۋرالى كەلiسiمدى راتيفيكاتسيالاۋ تۋرالى» زاڭ جوباسى قارالدى, دەپ حابارلايدى Egemen.kz
وسى كەلىسىمدى راتيفيكاتسيالاعاننان كەيىن قازاقستاندا يۋنەسكو-نىڭ مادەنيەتارالىق ۇنقاتىسۋ سالاسىنداعى ساياساتىن ازىرلەۋگە قاتىسۋ مۇمكىندىگى پايدا بولادى.
سونىمەن قاتار ءبىزدىڭ ەلىمىزدە يۋنەسكو اياسىنداعى مادەنيەتتەردى جاقىنداستىرۋدىڭ حالىقارالىق ورتالىعى قۇرىلاتىن بولادى. ول جۇمىس ىستەپ تۇرعان «مادەنيەتتەردى جاقىنداستىرۋ ورتالىعى» رەسپۋبليكالىق مۋزەيىنىڭ نەگىزىندە جۇمىس ىستەيتىن بولادى. يۋنەسكو اياسىنداعى مادەنيەتتەردى جاقىنداستىرۋدىڭ حالىقارالىق ورتالىعى كەلەشەكتە وسى سالاداعى عىلىمي زەرتتەۋلەر ءۇشىن وڭىرلىك حابقا اينالۋى ءتيىس.
زاڭ جوباسى پالاتانىڭ قاراۋىنا جىبەرىلدى.