ەلىمىزدىڭ باس باسىلىمى «Egemen Qazaqstan» گازەتىنىڭ باس رەداكتورى تاعايىندالدى, دەپ حابارلايدى Egemen.kz
عابيت ىسكەندەر ۇلى مۇسىرەپ قاراقالپاقستاننىڭ تاقتاكوپىر اۋدانىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن تامامداعان. ەڭبەك جولىن 1992 جىلدان, ياعني V كۋرستان باستاپ «Egemen Qazaqstan» جالپىۇلتتىق رەسپۋبليكالىق گازەتىندە جۇمىس ىستەپ باستاعان. قازاق ءباسپاسوزىنىڭ قاراشاڭىراعىندا ءتىلشى, اعا ءتىلشى, شولۋشى, ءبولىم مەڭگەرۋشىسى, ودان ءارى باس رەداكتوردىڭ ورىنباسارى قىزمەتتەرىن اتقاردى.
بۇعان دەيىن «نۇر استانا» رەسپۋبليكالىق جاستار اپتالىعىنىڭ باس رەداكتورى قىزمەتىندە بولعان. «دارىن» مەملەكەتتىك جاستار سىيلىعىنىڭ يەگەرى عابيت ىسكەندەر ۇلىنىڭ «رۋحىڭدى تۇسىرمە, ۇلىم» (2010 جىل) اتتى پۋبليتسيستيكالىق شىعارمالار جيناعى جارىق كورگەن.
ايتا كەتەيىك, بۇعان دەيىن باسقارما توراعاسىنىڭ ورىنباسارى – باس رەداكتور قىزمەتىن اتقارىپ كەلگەن ايبىن شاعالاق «Egemen Qazaqstan» رگ اق توراعاسىنىڭ ورىنباسارى قىزمەتىنە تاعايىندالدى.