ۋكراينانىڭ دەنساۋلىق ساقتاۋ مينيسترلىگىنە رەسەيدىڭ Sputnik-V ۆاكتسيناسىن تىركەۋ تۋرالى ءوتىنىش كەلىپ ءتۇسىپتى. كورشى ەلدەن ۆاكتسينا الۋ تۋرالى اقپارات ۋكراينالىق باق-تىڭ نازارىن وزىنە اۋدارىپ وتىر, دەپ حابارلايدى Egemen.kz
ۋكرايناداعى بارلىق ءدارى-دارمەكتىى تىركەۋدى دەنساۋلىق ساقتاۋ مينيسترلىگى جانىنداعى ارنايى قۇرىلىم - مەملەكەتتىك ساراپتاما ورتالىعى (GEC) جۇزەگە اسىرادى. ءوتىنىش بەرۋشىلەر وسى مەكەمەگە كلينيكالىق زەرتتەۋلەردىڭ بارلىق ءۇش كەزەڭىنىڭ ناتيجەلەرى تۋرالى دەرەكتەردى ۇسىنۋى كەرەك.
ەگەر پرەپارات ددۇ-نىڭ ماقۇلداۋىن العان بولسا, ەۋروپالىق وداقتا نەمەسە اقش, شۆەيتساريا, جاپونيا, اۆستراليا نەمەسە كانادا سياقتى باسقا رەتتەۋشى اگەنتتىكتەردە تىركەلگەن بولسا, پروتسەدۋرا جەڭىلدەتىلەدى. كارانتيندىك شارالار كەزەڭىندە بۇل ءتىزىمدى قىتاي, يزرايل, ءۇندىستان, مەكسيكا جانە برازيليا تولىقتىردى. رەسەي بۇل تىزىمدە جوق, سوندىقتان ءدارى-دارمەكتەردى جەدەلدەتىلگەن تىركەۋ پروتسەدۋراسى مۇمكىن ەمەس.
«ۋكراينادا وسى ۆاكتسينانى تىركەۋدىڭ عىلىمي نەگىزدەرىن ەلەستەتۋ قيىن, ويتكەنى بۇكىل الەمدەگى بىرقاتار عالىمدار لانسەتتە كلينيكالىق زەرتتەۋلەردىڭ ءبىرىنشى جانە ەكىنشى كەزەڭدەرىنىڭ ناتيجەلەرىن سىنعا الدى. ولار جالعان بولدى دەۋگە نەگىز بار جانە بۇل زەرتتەۋلەردىڭ ناتيجەلەرىنە بەلگىلى ءبىر سەنىمسىزدىك بار», دەدى ۋكراينالىق جۇقپالى اۋرۋلار بويىنشا مامان, دەنساۋلىق ساقتاۋ مينيسترلىگى جانىنداعى گەك-ءتىڭ بۇرىنعى ساراپشىسى فەدور لاپي.
ماماننىڭ ايتۋىنشا ۋكراينادا رەسەي ۆاكتسيناسىن تىركەۋ مۇمكىندىگى وتە از.