«قوستاناي – اۋليەكول» باعىتىنداعى كۇرە جولدىڭ بويىندا جول اپاتىنان ەكى ادام كوز جۇمدى. قايعىلى وقيعاعا قاتىستى سوتقا دەيىنگى تەرگەۋ ءجۇرىپ جاتىر, دەپ حابارلايدى Egemen.kz
10 اقپان كۇنى ساعات 19:40-تا «Hyundai Solaris» اۆتوكولىگىمەن كەلە جاتقان 42 جاستاعى جۇرگىزۋشى قارسى كەلىپ قالعان اۋدي-100 كولىگىمەن بەتپە-بەت سوقتىعىسقان.
«ناتيجەسىندە «Hyundai» كولىگىنىڭ جۇرگىزۋشىسى جاراقات الىپ, جانىندا وتىرعان 46 جاستاعى جولاۋشى وقيعا ورنىندا كوز جۇمدى. ال «اۋدي» كولىگىندە وتىرعان ەرلى-زايىپتىلار اۋىر جاراقاتتانىپ, اۋرۋحاناعا جەتكىزىلدى. وكىنىشكە قاراي, 27 جاستاعى جۇرگىزۋشى اۋرۋحانادا كوز جۇمدى. مارقۇمنىڭ جۇبايى اۋىر قالدە جاتىر. جول اپاتى كوكتايعاقتا جانە قارلى بوراننان كەيىن كوتەرىلگەن تۇماندا ورىن الدى», دەپ مالىمدەدى وبلىستىق پوليتسيا دەپارتامەنتى.
پوليتسيا جۇرگىزۋشىلەرگە جىلدامدىق رەجىمىن ساقتاۋدى جانە قولايسىز اۋا رايى جاعدايىندا جولعا شىقپاۋدى كەڭەس ەتەدى.
قوستاناي وبلىسى