بيىل قوستاناي وبلىسىندا تۇرعىن ءۇي ساياساتىن جۇزەگە اسىرۋعا بيۋدجەتتەن 20,4 ملرد تەڭگە ءبولىندى. بۇل تۋرالى وبلىس اكىمدىگىندە وتكەن كەڭەس وتىرىسىندا ايماق باسشىسى ارحيمەد مۇحامبەتوۆ مالىمدەدى.
«بيىل وبلىستا ەل يگىلىگىنە بەرىلەتىن تۇرعىن ءۇي كورسەتكىشىن 10%-عا ارتتىرۋ مىندەتى تۇر. ءبىرىنشى توقساندا 93,5 مىڭ شارشى مەتر باسپانا پايدالانۋعا بەرىلەدى. ونىڭ ىشىندە كوپ قاباتتى تۇرعىن ۇيلەردىڭ ۇلەسى 64,7 مىڭ شارشى مەتر بولادى», - دەدى وبلىس اكىمى.
كەڭەس بارىسىندا قوستاناي, رۋدنىي قالالارى مەن قوستاناي اۋدانىنىڭ اكىمدەرى حالىقتى باسپانامەن قامتۋدىڭ 2021 جىلعا ارنالعان جوسپارى تۋرالى باياندادى.
جيىن سوڭىندا ايماق باسشىسى تۇرعىن ءۇي قۇرىلىسىنىڭ قارقىنىن تومەندەتپەۋدى, ينجەنەرلىك-كوممۋنيكاتسيالىق ينفراقۇرىلىمدى جەتىلدىرۋ جۇمىسىن جالعاستىرۋدى, سونداي-اق جوسپارلانعان قۇرىلىس جۇمىستارىن ساپالى جۇرگىزۋدى جانە تۇرعىن ءۇي نىساندارىن مەرزىمىندە اياقتاۋدى تاپسىردى.
قوستاناي وبلىسى