الماتىداعى ارباتتا توعىز ايۋدىڭ جۇرگەنى تۋرالى حابارلاما ءتۇستى, دەپ حابارلايدى Egemen.kz
"102" قىزمەتىنىڭ حابارلاۋىنشا, الماتىدا جاڭا جىلدىق مەرەكەلەر تىنىش وتكەن.
– 31-ءى كۇنى "102" پۋلتىنە 1 600 حابارلاما كەلىپ ءتۇستى. بۇل كۇندەگىدەن از. ولار نەگىزىنەن اقپاراتتىق, انىقتامالىق جانە تۇرمىستىق سيپاتتارعا يە بولدى, اتاپ ايتقاندا ازاماتتار كورشىلەردىڭ شۋىلداعانىنا, وتشاشۋلاردىڭ داۋىسىنا شاعىمداندى. جاڭا جىل مەرەكەسى قارساڭىندا, بارلىق مەرەكە كۇندەرى سياقتى الماتى قالاسى پد جەدەل باسقارۋ ورتالىعى تاۋلىك بويى جۇمىس ىستەدى. ەگەر ازاماتتار دەمالىپ جاتسا, ءبىز قىزمەت اتقاردىق. جاڭا جىل قارساڭىندا قىزمەت ەتكەن ءبىزدىڭ قىزمەتكەرلەر ولارعا قانداي جاۋاپكەرشىلىك جۇكتەلگەنىن تۇسىنەدى. نەگىزگى مىندەت – قوعامدىق ءتارتىپتى جانە ازاماتتاردىڭ قاۋىپسىزدىگىن قامتاماسىز ەتۋ بولىپ تابىلادى. نەگىزىندە, ءتۇن ادەتتەگىدەي جۇمىس رەجيمىندە تىنىش, ەشقانداي ەرەكشەلىكتەرسىز ءوتتى. قوعامدىق ءتارتىپتى ورەسكەل بۇزۋ نەمەسە قىلمىستار بولعان جوق, – دەدى الماتى قالالىق پد جەدەل باسقارۋ ورتالىعىنىڭ باستىعى اندرەي كۆاشنين. مەرەكە كۇندەرى كۇلكىلى جاعدايلار دا بولدى.
– بىزگە جىبەك جولى كوشەسىندەگى ارباتتا ايۋلار جۇرگەندىگى تۋرالى حابارلاما كەلىپ ءتۇستى. دەرەۋ بەينەباقىلاۋ كامەرالارىن ارباتقا باعىتتادىق, سول كەزدە وندا پاندا كيىمىن كيگەن توعىز ادامنىڭ جۇرگەنىن انىقتادىق. ولار ويىن-ساۋىق ءىس-شاراسىنىڭ قاتىسۋشىلارى بولىپ شىقتى. جالپى جاڭا جىل ءتۇنى تىنىش ءوتتى. تاجىريبە كورسەتكەندەي, بۇرىن جاڭا جىل قالادا كەڭ كولەمدە تويلاناتىن. بۇل جولى الماتىدا بۇقارالىق مەرەكەلىك شارالار بولعان جوق, قوعامدىق ورىنداردا كولىكتەر مەن ازاماتتار از بولدى, دەدى ول.
سونىمەن قاتار ول جاڭا جىلدا بولعان باسقا دا قىزىق جاعدايلاردى اتاپ ايتتى.
– ءىرى سۋپەرماركەتتەردىڭ بىرىندە ماس كۇيىندە شالبارىنا سالىپ ۆيسكي بوتەلكەسىن الىپ شىقپاقشى بولعان جاس جىگىت ۇستالعان;
– جەكە ۇيلەردىڭ بىرىندە الكوگولدىك ىشىمدىكتەر ىشكەن بىرگە تۇراتىن ازاماتتار جاڭا جىلدىڭ كەيىپكەرلەرىن, ياني كىمنىڭ اياز اتا نەمەسە اقشاقار بولاتىنىن انىقتاۋ كەزىندە داۋلاسىپ قالعان;
– الماتى قالاسىنىڭ كوپبالالى تۇرعىنى جاڭا جىلدىق سىيلىقتارىن تاكسيدە ۇمىتىپ كەتكەن. پوليتسيا قىزمەتكەرلەرى تەز ارادا جەكە تاسىمالداۋشىنى تاۋىپ, ۇمىتىپ كەتكەن سىيلىقتاردى جاڭا جىل الدىندا قايتارىپ بەردى, جانە ت.ب.