ءبىلىم ءمينيسترى گرانتتا وقيتىن ستۋدەنتتەردىڭ قانداي ايلاعا باراتىنىن ايتتى

«كەيبىر گرانت يەگەرلەرى مەملەكەت شىعىنىن جۇمىسپەن وتەۋ ءراسىمىن اينالىپ ءوتۋدىڭ امالىن تاپقان. ولار گرانت ارقىلى 3-كۋرسقا دەيىن تەگىن وقىپ, ءۇش جىل بويى ستيپەنديا الادى. سودان كەيىن مەملەكەتتىك گرانتتى جۇمىسپەن وتەمەۋ ءۇشىن 4-كۋرستا اقىلى بولىمگە اۋىساتىن بولعان», دەدى ا.ايماعامبەتوۆ الەۋمەتتىك جەلىدەگى پاراقشاسىندا.

ا.ايماعامبەتوۆتىڭ ايتۋىنشا, وسىعان بايلانىستى گرانت يەگەرىن وقىتۋعا مەملەكەت جۇمساعان شىعىنداردى وتەۋ بويىنشا جاڭا نورما ەنگىزىلدى.

«ماسەلەن, ستۋدەنت گرانتتا ەكى جىل وقىپ, كەيىن اقىلى بولىمگە اۋىستى دەلىك. بۇل جاعدايدا ستۋدەنت قانشا جىل گرانتتا وقىسا, سونشا جىل گرانتتى جۇمىسپەن وتەۋگە مىندەتتى بولادى. ءدال وسى نورما, اقىلى بولىمنەن گرانتقا اۋىسقان ستۋدەنتتەرگە دە قاتىستى بولادى», دەپ ءتۇسىندىردى ۆەدومستۆو باسشىسى.

بۇعان دەيىن حابارلانعانداي, گرانتپەن وقىعان تۇلەك ءوز دايىندىق باعىتى بويىنشا جەكەمەنشىك ۇيىمداردا ەش كەدەرگىسىز جۇمىس ىستەي الادى.

ايتا كەتەيىك, 2021 جىلدان باستاپ ءاربىر جوعارى وقۋ ورنى ءبىلىم العان ازاماتتارعا جەكە ۇلگىسى بويىنشا ديپلوم بەرەتىن بولادى.

ەندى ءار جوعارى وقۋ ورنىندا بەرىلەتىن ديپلومداردىڭ بارلىعى بىركەلكى بولمايدى. بۇدان بىلاي مەملەكەتتىك ۇلگىدەگى ديپلومدار بەرىلمەيدى.