2020 جىل ەلىمىزدىڭ قۇرىلىس يندۋسترياسى ءۇشىن ماڭىزدى جىل بولدى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
قازاقستان قۇرىلىستا ەۋروپالىق نورمالاردى (ەۋروكودتار) قولدانۋعا تولىقتاي كوشتى, ەلدىڭ قۇرىلىسشىلاردىڭ بەدەلى حالىقارالىق ارەنادا دا نىعايدى: دامۋدىڭ نەگىزى رەتىندە تمد ەلدەرىنىڭ ماماندارى قازاقستاندىق ساراپشىلاردىڭ تاجىريبەسىن الادى.
2020 جىلى ەۋروكودتارعا تولىق كوشۋ ناتيجەسىندە 500-دەن استام قۇرىلىس نورمالارى جويىلدى. وسىلايشا, 2025 جىلعا دەيىن اياقتالاتىن قۇرىلىس يندۋسترياسىن تەحنيكالىق رەتتەۋ جۇيەسىن رەفورمالاۋدىڭ ءۇشىنشى قورىتىندى كەزەڭى باستالدى.
ەۋروكودتارعا ءوتۋ قۇرىلىس يندۋسترياسىن ەسكىرگەن نورماتيۆتىك-تەحنيكالىق بازانىڭ رەفورماسىمەن ۇيلەستىرۋ ارقىلى ەۋروپالىق جانە الەمدىك جۇيەلەرمەن بىرىكتىرۋ قاجەتتىلىگىمەن انىقتالادى.
ەۆروكودتار - بۇل ازاماتتىق عيماراتتار مەن قۇرىلىستاردى جوبالاۋدىڭ ەۋروپالىق تەحنيكالىق ستاندارتتارى. ولاردى ەۋروپالىق ستاندارتتاۋ كوميتەتى سوڭعى 30 جىل ىشىندە جاسادى. ستاندارتتارعا قۇرىلىس جوبالارىنىڭ قۇرىلىمداردىڭ بارلىق تيپتەرىنە: بولات, تەمىربەتون, اعاش, كىرپىش جانە اليۋميني قويىلاتىن تالاپتار كىرەدى.
«قۇرىلىس كومپانيالارى مامانداردىڭ ەۋروكودتاردى قولدانىلۋدىڭ ەداۋىر جەڭىلدىكتەرىنە يە بولادى - ولاردىڭ باسەكەگە قابىلەتتىلىگى ارتادى, ينۆەستيتسيا تارتۋ ءۇشىن كومپانيالار ەۋروكودتار قولدانىلاتىن شەتەلدىك قۇرىلىس قىزمەتتەرى نارىعىنا شىعا الادى جانە ولار الەمنىڭ 45-تەن استام ەلدەرىندە قولدانىلادى. سونداي-اق, شەتەلدىك كومپانيالار قازاقستان رەسپۋبليكاسىنىڭ اۋماعىندا جوبالاۋ جانە قۇرىلىس سالاسىندا ءبىزدىڭ مامانداردى تارتا الادى», - جايىمبەتوۆ مارحابات جايىمبەت ۇلى, قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى.
قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى («قازقسعزي» اق) ەۋروكودتارعا كوشۋدىڭ جاۋاپتى وپەراتورى بولدى.
سوڭعى 5 جىلدا قازقسعزي ماماندارى ەۋروكودتارعا 56 ۇلتتىق قوسىمشالار ازىرلەدى, 3000-عا جۋىق ماماندار قازقسعزي كورپوراتيۆتىك ينستيتۋتىندا وقۋدان ءوتتى, 23 پيلوتتىق جوبا ەۋروكودتاردى قولدانۋ ارقىلى جۇزەگە اسىرىلدى.
2020 جىلدىڭ قاراشا ايىندا تمد ەلدەرىنىڭ قۇرىلىس قىزمەتىندەگى ىنتىماقتاستىق جونىندەگى ۇكىمەتارالىق كەڭەسىندە «قازقسعزي» اق ماماندارى جاساعان قازاقستان ۇسىنعان قۇرىلىستاعى جىكتەۋ مەن كودتاۋدىڭ بىرىڭعاي جۇيەسى ماقۇلداندى.
جىل قورىتىندىسى بويىنشا قازاقستان ۇسىنعان جەر سىلكىنىسىنە ءتوزىمدى قۇرىلىس سالاسىنداعى تمد ەلدەرى ءۇشىن نورمالاردىڭ بىرىڭعاي مودەلى قاراستىرىلدى.