وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جىلىوي اۋدانىنىڭ ورتالىعى – قۇلسارى قالاسىندا «Range Rover» ماركالى شەتەلدىك كولىك ۇرلانعان, دەپ حابارلايدى Egemen.kz.
«قۇلسارى قالاسىنىڭ 32 جاستاعى تۇرعىنى ءۇيىنىڭ اۋلاسىندا تۇرعان اۆتوكولىگىنىڭ جوعالعانى تۋرالى 102 وپەراتورلىق نومىرىنە حابارلادى. وسىعان بايلانىستى جەدەل باسقارۋ ورتالىعىنىڭ بەينەباقىلاۋ ينسپەكتورى جوعالعان كولىكتىڭ باعىتىن انىقتادى. جەدەل ءىس-شارانىڭ ناتيجەسىندە قۇلسارى قالاسىنىڭ 31 جاستاعى تۇرعىنى انىقتالىپ ۇستالدى» دەپ حابارلادى دەپارتامەنتتىڭ ءباسپاسوز قىزمەتىنەن.
قازىر اتالعان دەرەككە قاتىستى قر قىلمىستىق كودەكسىنىڭ 200-بابىنىڭ 1-بولىگىمەن سوتقا دەيىنگى تەرگەۋ ءجۇرىپ جاتىر.