پرەمەر-مينيستر اسقار مامين بەينەكونفەرەنتسيا بايلانىسى رەجيمىندە امەريكالىق «Valmont Industries» كومپانياسىنىڭ پرەزيدەنتى ستيۆەن كانەۆسكيمەن كەلىسسوز جۇرگىزدى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
تاراپتار مال شارۋاشىلىعى, سەلەكتسيا, تۇقىم شارۋاشىلىعى, تامشىلاتىپ جانە جاڭبىرلاتىپ سۋارۋ, اگرارلىق عىلىم جانە ءبىلىم سالالارىنداعى ىنتىماقتاستىق پەن تاجىريبە الماسۋ كەلەشەگىن تالقىلادى.
كەلىسسوز قورىتىندىسى بويىنشا قر اۋىل شارۋاشىلىعى مينيسترلىگى, قازاقستاندىق «Kusto Group» كومپانياسى جانە امەريكالىق «Valmont Industries» كومپانياسى اراسىندا ينۆەستيتسيالار تۋرالى كەلىسىمگە قول قويىلدى.
قۇجات قازاقستاندا دەمونستراتسيالىق فەرمالار جەلىسىن قۇرۋدى جانە زاماناۋي سۋارۋ جۇيەلەرىن وندىرەتىن جانە اۋىل شارۋاشىلىعى داقىلدارىنىڭ ونىمدىلىگىن باسقاراتىن زاۋىت سالۋدى كوزدەيدى. كاسىپورىننىڭ قۋاتتىلىعى جىلىنا 1 مىڭ «Valley» فرونتالدى جانە اينالمالى سۋارۋ ماشينالارىن قۇرايدى.
امەريكالىق يرريگاتسيا تەحنولوگيالارى وسىمدىك شارۋاشىلىعىنىڭ ونىمدىلىگىن ارتتىرۋعا جانە اۋىل شارۋاشىلىعىنداعى سۋ شىعىنىن 50-70%-عا ازايتۋعا مۇمكىندىك بەرەدى.
دەمونستراتسيالىق فەرمالار جەلىسىن قالىپتاستىرۋ سۋارۋ, سۋ رەسۋرستارىن ۇتىمدى پايدالانۋ, جەمشوپ ءوندىرۋ, فەرمەرلەردى وقىتۋ مەن ترەنينگ وتكىزۋ جانە بىلىكتى كادرلار دايارلاۋ سالاسىنداعى وزىق تەحنولوگيالار ترانسفەرىن قامتاماسىز ەتەدى.
«Valmont Industries» كومپانياسى – سۋ ينفراقۇرىلىمى نىساندارىن باسقارۋ جانە ينۆەستيتسياسى, سۋارمالى ەگىنشىلىك جانە يرريگاتسيالىق جۇيەلەر ءوندىرىسى سالاسىنداعى الەمدىك كوشباسشى. شتاب-پاتەرى اقش-تىڭ نەبراسكا شتاتىنداعى وماح قالاسىندا 1946 جىلى قۇرىلعان. كومپانيانىڭ جىلدىق اينالىمى $2,6 ملرد اسادى.
ۇكىمەت باسشىسى قر ەكونوميكاسىنىڭ قارقىندى دامىپ كەلە جاتقان سەكتورلارىنىڭ ءبىرى اوك ەكەنىن اتاپ ءوتتى. بۇل رەتتە, بۇۇ جانىنداعى ازىق-ت ۇلىك جانە اۋىل شارۋاشىلىعى ۇيىمىنىڭ (فاو) باعالاۋى بويىنشا قازاقستان اۋىل شارۋاشىلىعى سالاسىنداعى الەۋەتى بارىنشا جوعارى ەلدەردىڭ بەستىگىنە كىرەدى.
«2020 جىلدىڭ قورىتىندىسى بويىنشا اۋىل شارۋاشىلىعىندا 5,6%-عا تۇراقتى ءوسىم قامتاماسىز ەتىلدى – بۇل سالاداعى سوڭعى 6 جىلداعى ەڭ جوعارى كورسەتكىش. اوك جاھاندىق ازىق-ت ۇلىك تىزبەگىندە جالعاسىن تاپقان ىركىلىس جاعدايىندا قازاقستاندا ينفلياتسيانى تەجەۋدىڭ نەگىزگى فاكتورىنا اينالدى», دەدى ا.مامين.
كەلىسسوزگە قازاقستان تاراپىنان پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ, اۋىل شارۋاشىلىعى ءمينيسترى ساپارحان وماروۆ, ۇلتتىق ەكونوميكا ءمينيسترى رۋسلان دالەنوۆ, سىرتقى ىستەر ءمينيسترى مۇحتار تىلەۋبەردى, اقش-تاعى قر ەلشىسى ەرجان قازىحانوۆ, «Kusto Group» باسشىسى ەركىن تاتىشەۆ, امەريكالىق تاراپتان اقش-تىڭ قازاقستانداعى ەلشىسى ۋيليام موزەر, «Valmont Irrigation» پرەزيدەنتى لەنني ادامس جانە «Valmont Industries» ۆيتسە-پرەزيدەنتى دجوشۋا ديكسون قاتىستى.