Microsoft قازاقستان مەن الماتى قالالىق ءبىلىم بەرۋ باسقارماسى ءبىلىم بەرۋدى تسيفرلىق ترانسفورماتسيالاۋ سالاسىنداعى ىقتيمال ىنتىماقتاستىق تۋرالى ۋاعدالاستى, دەپ حابارلايدى Egemen.kz
Microsoft قازاقستان جانە الماتى قالالىق ءبىلىم باسقارماسىنىڭ ء«بىلىم بەرۋدەگى جاڭا تەحنولوگيالاردىڭ قالالىق عىلىمي ادىستەمەلىك ورتالىعى» قالانى تسيفرلىق ترانسفورماتسيالاۋ ماقساتىنداعى ىنتىماقتاستىق مۇمكىندىكتەرىن بىرلەسىپ قاراستىرىپ وتىر.
بۇل ماقساتتا تاراپتار وقۋ ۇدەرىسىنىڭ ساپاسىن جاقسارتۋ جانە الماتى قالاسىنداعى ورتا ءبىلىم بەرۋدىڭ باسەكەگە قابىلەتتىلىگىن ارتتىرۋ ءۇشىن ءبىلىم بەرۋدى تسيفرلىق ترانسفورماتسيالاۋ سالاسىنداعى ىنتىماقتاستىقتى ىقتيمال كەڭەيتۋ مەن دامىتۋدى كوزدەيتىن, ءوزارا تۇسىنىستىك تۋرالى مەموراندۋمعا قول قويدى. سونداي-اق ىقتيمال ىنتىماقتاستىق تسيفرلىق ساۋاتتىلىقتى, الماتى قالاسى مەكتەپتەرىنىڭ پەداگوگتارى مەن وقۋشىلارىنىڭ تسيفرلىق ماشىقتارىن جانە قۇزىرەتتەرىن ارتتىرۋدى كوزدەيتىن بولادى. جوبا ارقىلى قالانىڭ 200-دەن اسا مەكتەبىن قامتۋ جوسپارلانىپ وتىر.
«بۇگىنگى تاڭدا تسيفرلىق قۇرالداردى پايدالانباي, ءبىلىم بەرۋدى ەلەستەتۋ قيىن. سوندىقتان ءبىزدىڭ ىقتيمال ىنتىماقتاستىعىمىز اياسىندا Microsoft كومپانياسى ۇسىنۋعا دايىن بىرەگەي تاجىريبە, ۇزدىك حالىقارالىق پراكتيكالار جانە يننوۆاتسيالىق تەحنولوگيالار, قالانىڭ ءبىلىم بەرۋ جۇيەسىن تابىستى تسيفرلىق ترانسفورمايالاۋداعى ماقساتتارعا جەتۋدە بىزگە كومەگى تيەتىنىنە سەنىمدىمىز», دەيدى الماتى قالاسى ءبىلىم باسقارماسى باسشىسى ءلاززات جىلقىباەۆا.
قازىرگى ۋاقىتتا قول جەتكىزگەن ۋاعدالاستىقتارعا سايكەس, الماتى قالاسىنداعى ءبىلىم بەرۋدى تسيفرلى ترانسفورماتسيالاۋ سالاسىنداعى ىقتيمال ىنتىماقتاستىق Microsoft-تىڭ ءبىلىم بەرۋدەگى سانسىز زەرتتەۋلەرى مەن كوپ جىلدىق تاجىربيەسىنە نەگىزدەلگەن ۇزدىك حالىقارالىق پراكتيكالاردى ۇسىنۋدى قامتيتىن بولادى. Microsoft-تا الەمنىڭ ءتۇرلى ەلدەرىنىڭ ءبىلىم بەرۋ جۇيەسىن تسيفرلىق ترانسفورماتسيالاۋدىڭ ءتيىمدى ستراتەگيالارىن جۇزەگە اسىرۋداعى اۋقىمدى تاجىريبەسى بار بولعاندىقتان, بۇل ءبىلىم بەرۋدىڭ جەرگىلىكتى جۇيەسىنىڭ قاجەتتىلىكتەرى مەن مىندەتتەرىن ەسكەرە وتىرىپ, ەڭ وڭتايلى ستراتەگيالاردى تاجىريبە جۇزىندە تاڭداۋعا جانە ەنگىزۋگە مۇمكىندىك بەرەدى. ءبىلىم بەرۋدى تسيفرلىق ترانسفورماتسيالاۋ بارلىق وقۋشىلارعا ءوز الەۋەتتەرىن اشۋعا جانە تولىقتاي ىسكە اسىرۋعا, ال مۇعالىمدەرگە وقىتۋعا ارنالعان قاۋىپسىز, سەنىمدى جانە ينكليۋزيۆتى ورتانى قۇرۋدىڭ ارقاسىندا, جۇمىستىڭ يننوۆاتسيالىق ادىستەرىن ەنگىزۋ مەن قولدانۋعا كومەكتەسەدى.
تاراپتار قاراستىرىپ جاتقان باعىتتاردىڭ ءبىرى — قالا مەكتەپتەرىنە ءبىلىم بەرۋگە ارنالعان Microsoft «Minecraft: Education Edition» مامانداندىرىلعان باعدارلامالىق قامسىزداندىرۋىن بىرلەسىپ ەنگىزۋ مەن دامىتۋ جوباسى. «Minecraft: Education Edition» – بۇل ساباق بەرۋدەگى ادىستەردى وزگەرتەتىن جانە بالالاردى وقۋ ۇدەرىسىنە تارتۋ مەن ولاردىڭ بويىندا بىلىمگە دەگەن قىزىعۋشىلىقتى وياتۋعا كومەكتەسەتىن, ويىن نەگىزىندەگى وقۋ پلاتفورماسى. الەمنىڭ ءار تۇكپىرىندەگى وقىتۋشىلار وقۋشىلاردى ساباق بەرۋ مەن وقىتۋداعى مۇمكىندىكتەر شەگى قيال مەن عانا بەلگىلەنەتىن يممەرسيۆتى تسيفرلىق ورتادا بارىنشا قىزىقتىرۋ ءۇشىن «Minecraft: Education Edition»-ءدى وقۋ ۇدەرىسى بارىسىندا ساباق كەزىندە ءار ءتۇرلى پاندەردە قولدانادى.
ء«بىز پلانەتاداعى ءاربىر وقۋشىعا كوپكە قول جەتكىزۋگە كومەكتەسەمىز. ءبىزدىڭ الماتى قالاسىنىڭ ءبىلىم باسقارماسىمەن جانە تسيفرلاندىرۋ باسقارماسىمەن ىقتيمال ىنتىماقتاستىعىمىز قالانىڭ ءبىلىم بەرۋدەگى تسيفرلى ترانسفورماتسياسىنا وڭ اسەر ەتەدى دەپ سەنەمىز. بۇگىنگى تاڭدا زاماناۋي تسيفرلىق تەحنولوگيالار وقىتۋ ۇدەرىسىن قىزىقتى, ينتەراكتيۆتى جانە ينكليۋزيۆتى ەتۋگى كومەكتەسىپ, ءبىلىم بەرۋ ءۇشىن شەكسىز دەرلىك مۇمكىندىكتەر اشۋدا. Microsoft-تىڭ ءبىلىم بەرۋگە ارنالعان زاماناۋي شەشىمدەرى وقۋشىلاردىڭ ءبىلىمدى اناعۇرلىم ءتيىمدى يگەرۋلەرىنە جاردەمدەسۋدە, سونداي-اق مۇعالىمدەرگە وقىتۋدا يننوۆاتسيالىق قۇرالدار مەن ادىستەردى قولدانۋعا مۇمكىندىك بەرەدى», دەدى Microsoft-تىڭ قازاقستانداعى جانە تمد ەلدەرىندەگى ءبىلىم بەرۋ سەكتورىمەن جۇمىس جونىندەگى باسشىسى نۇرلان جانىبەك.