سولتۇستىك قازاقستاندا ەپيدەميالىق احۋال كۇردەلەنىپ جاتىر

سقو سانيتاريالىق-ەپيدەميالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە, وتكەن تاۋلىكتە وڭىردە كوروناۆيرۋس ينفەكتسياسىن جۇقتىرۋدىڭ 52 جاعدايى تىركەلدى. ونىڭ ىشىندە 24 ادامدا عانا اۋرۋ بەلگىلەرى بولعان.

پەتروپاۆل قالاسى اۋىرعاندار بويىنشا الدا كەلەدى. 10 قاڭتاردا 18 ادامنان انىقتالعان. بۇدان باسقا تاعى 8 اۋداندا كۆي جۇقتىرعاندار تىركەلدى.

رەسەيمەن شەكارالاس م.جۇماباەۆ اۋدانىندا – 9, ەسىل اۋدانىندا – 7, ايىرتاۋ اۋدانىندا – 6 جانە ع.مۇسىرەپوۆ اۋدانىندا 5 ادام. تايىنشا, شال اقىن, مامليۋت, قىزىلجار اۋداندارىندا 1-2 سىرقاتتان.

وتكەن تاۋلىكتە 1006 ادام پتر تەست تاپسىرعان. جالپى پاندەميا باستالعالى سقو-دا 225 370 ادام وسى ادىسپەن تەكسەرىلدى. ولاردىڭ تەك 4 %-ىنىڭ عانا كورسەتكىشتەرى وڭ بولعان.

جالپى وڭىردە اۋىرعاندار سانى 9185-كە جەتتى.