بۇگىنگى ونلاين-بريفينگتە «سايلاۋداعى ءادىل جانە ادال باقىلاۋ تۋرالى» حارتيانىڭ باستاماشىسى ايگۇل سولوۆەۆا مەن «جاستارعا جول» قوعامدىق قورىنىڭ باقىلاۋشىلار شتابىنىڭ جەتەكشىسى رافاەل گاسانوۆ سايلاۋ كەزىندەگى باقىلاۋشىلاردىڭ جۇمىسى تۋرالى باياندادى.
بريفينگتى «سايلاۋداعى ءادىل جانە ادال باقىلاۋ تۋرالى» حارتياسىنىڭ باستاماشىسى ايگۇل سولوۆەۆا باستاپ, سايلاۋعا قاتىسقانداردىڭ جانە ولاردىڭ لايىقتى وركەنيەتتى دەڭگەيدە ءوتۋى ءۇشىن ەڭبەك ەتكەندەردىڭ بارلىعىنا العىسىن ءبىلدىردى.
«حارتيانىڭ باستاماشىسى رەتىندە ءوز اتىمنان نەگىزىنەن بۇكىل پروتسەستىڭ مونيتورينگى قازىرگى زامانعى حالىقارالىق ستاندارتتار نەگىزىندە جۇرگىزىلدى دەپ ايتا الامىن. بايقاۋ ءۇش كەزەڭمەن وتەدى. ءبىرىنشىسى – بۇل ۋچاسكەلەردى دايىنداۋدىڭ سايلاۋعا دەيىنگى مونيتورينگى. حالىقارالىق ماماندار اتاپ وتكەندەي, ءبارى جاقسى دەڭگەيدە بولعانىنى ءبىزدى قۋانتتى. ۋچاسكەلەر دەر كەزىندە دايىن بولىپ, بارلىق ۋچاسكەلەردە ءموبيلدى مەديتسينالىق كابينەتتەر ۇيىمداستىرىلدى جانە باستى شارت ورىندالدى – سايلاۋشىلاردىڭ بارلىق ساناتتارى ءۇشىن تەڭ قولجەتىمدىلىك قامتاماسىز ەتىلدى. ەكىنشى – سايلاۋ كۇنى, مۇندا پروتسەسس ورەسكەل وقيعالارسىز ءوتتى. بىراق ءبىز بارلىق فاكتىلەر مەن الىنعان دەرەكتەردى تالداعاننان كەيىن قورىتىندى شىعارامىز. پارتيالار مەن باق تاراپىنان بارلىعى وتە وركەنيەتتى بولدى دەپ ايتۋعا بولادى. قازىر ءبىز كەلىپ تۇسكەن بارلىق دەرەكتەردى تالداۋ جانە حالىقارالىق ۇيىمدار ءۇشىن ەسەپ دايىنداۋ دەگەن ءۇشىنشى كەزەڭدەمىز», – دەدى ا.سولوۆەۆا.
ا.سولوۆەۆانىڭ پىكىرىنە قاراعاندا, حالىقارالىق قۇقىق پريزماسى ارقىلى – ءبارى بارلىق ەرەجەلەر مەن نورمالارعا سايكەس ءوتتى.
«الداعى ۋاقىتتا ءبىز ءالى دە زەرتتەيتىن بولامىز... جانە شامامەن ەكى اي ىشىندە ءبىز سايلاۋدى باقىلاۋ تۋرالى قورىتىندى ەسەپ دايىندايمىز جانە ءبىزدىڭ ازاماتتىق قوعام ءوز ەلىندە بولىپ جاتقان جاعدايعا باعا بەرە الاتىندىعىن دالەلدەي الامىز دەپ ۇمىتتەنەمىن. سايلاۋ پروتسەسىنىڭ ءوزى ءبىزدىڭ قوعامنىڭ ازاماتتىق جەتىلگەنىن كورسەتتى», – دەيدى ا.سولوۆەۆا.
بريفينگتى رافاەل گاسانوۆ جالعاستىرىپ, بارلىعىن سايلاۋدىڭ اياقتالۋىمەن قۇتتىقتاپ, وسى ۋاقىت ىشىندە شۇعىل رەجيمدە جۇمىس ىستەگەن, قاۋىرت رەجيمدە قوعام وكىلدەرىنە مەن بۇقارالىق اقپارات قۇرالدارىنىڭ قىزمەتكەرلەرىنە العىسىن ءبىلدىردى.
رافاەل گاسانوۆ «جاستارعا جول» قوعامدىق قورىنىڭ شتابى اتقارعان جۇمىستارعا باعا بەرە كەلە: «تاڭعى ساعات 10-دا ءبىزدىڭ ساراپشىلار شتابتىڭ جەدەل جەلىسىنە تۇسكەن بارلىق دەرەكتەردى جانە تاۋەلسىز باقىلاۋشىلاردىڭ حاتتامالارىن زەرتتەدى. قازىر جالپى سايلاۋ ءساتتى ءوتتى دەپ ايتۋعا بولادى, ءبىزدىڭ باقىلاۋشىلار سايلاۋ پروتسەسىنىڭ ورەسكەل بۇزىلۋىن نەمەسە سايلاۋشىلاردىڭ ازاماتتىق قۇقىقتارىنىڭ بۇزىلۋىن كەزدەستىرمەدى», – دەيدى.
سونىمەن قاتار, ر.گاسانوۆتىڭ ايتۋىنشا, ەرەكشە نازار اۋدارۋعا لايىقتى ساتتەر بولدى. كەلەڭسىز جاعدايلاردىڭ بارلىق فاكتىلەرى مەن جاعدايلارى تىركەلگەن, ولار جىكتەلىپ, قورىتىندى ەسەپكە ەنگىزىلەتىن بولادى.
ء«بىز الەۋمەتتىك جەلىلەر مونيتورينگىنەن كەلىپ تۇسكەن, «ارانداتۋشىلىق» سيپاتتاعى اقپاراتتى ەسكەرمەدىك. كەشە ءبىز وسى فاكتىلەردى راستاۋ نەمەسە جوققا شىعارۋ ءۇشىن رەسمي ورگاندارعا كۇنى بويى سۇراۋ سالدىق. بۇل ساتتەر دە تىركەلىپ, فاكتىلەردىڭ تۇپنۇسقالىعىن انىقتاۋ جانە پروتسەسسۋالدىق شەشىم قابىلداۋ ءۇشىن ءتيىستى قاداعالاۋ ورگاندارىنا بەرىلەتىن بولادى», – دەدى ر.گاسانوۆ.
ونىڭ ايتۋىنشا, باقىلاۋشىلار جۇمىسىندا دا كەمشىلىكتەر بولدى.
«قازىر ءبىز نۇسقاۋلىققا, باقىلاۋشىلاردى دايارلاۋ جونىندەگى جۇمىسقا جانە ت.ب. كەيبىر تۇستاردى ەنگىزۋ قاجەت ەكەنىن تۇسىندىك. ءبىز ءوز قاتەلىكتەرىمىزدى مويىندايمىز. بۇل ءبىزدىڭ العاشقى تاجىريبەمىز جانە ۇلكەن تاجىريبە بولدى. ءبىز جاس بولعاندىقتان سىندى قابىلدايمىز, ۇيرەنەمىز», – دەيدى ر.گاسانوۆ.
الماتى