كەشە, ياعني 10 قاڭتاردا ەلوردادا 2 199 استانالىق تۋعان كۇنىن اتاپ وتۋدە. ونىڭ ۇستىنە بۇل كۇنى 31 ادام كامەلەتتىك جاسقا تولىپ, ال سايلاۋعا 16 316 قالا تۇرعىنى العاش رەت قاتىسقان, دەپ حابارلايدى Egemen.kz
ەلوردانىڭ جاس تۇرعىنى باۋىرجان اقشاباەۆتىڭ ومىرىندە ەكى ماڭىزدى وقيعا بولىپ وتىي. بۇل كۇنى ول كامەلەتتىك جاسقا تولىپ قانا قويماي العاش رەت داۋىس بەرۋگە قاتىستى.
«سايلاۋعا نەلىكتەن قاتىسۋ كەرەك؟ مەن ءۇشىن ونىڭ جاۋابى وتە قاراپايىم. ءار ازامات ءوز ەلىنىڭ ومىرىنە ارالاسۋى كەرەك. بۇل — ەرەكشە سەزىم. قازاقستان ازاماتى ەكەندىگىمە جانە تاريحي ساتتەرگە ارالاساتىنىما قۋانىپ ءارى ماقتانىپ وتىرمىن», دەپ باۋىرجان ءوزىنىڭ سەزىمىمەن ءبولىستى. ول تۋعان كۇنى №87 ۋچاسكەگە بارىپ, ءوزىنىڭ ەرەسەك ومىرىندەگى ازاماتتىق العاشقى بورىشىن ورىندادى.
سونداي-اق باۋىرجان قۇرداستارىن وزىنەن ۇلگى الۋعا جانە بولاشاققا سەنىممەن قاراۋعا كەڭەس بەردى.
«الەمدى وزگەرتۋ ءۇشىن وزگەرىستى الدىمەن وزىڭنەن باستاۋ كەرەك. سايلاۋ — بۇل ازاماتتىق جاۋاپكەرشىلىكتى كورسەتۋ جانە ەلىمىزدىڭ تاعدىرىن وزگەرتۋ ءۇشىن ەڭ قولايلى ءسات», دەدى جاس سايلاۋشى.
باۋىرجان اقشاباەۆقا العاشقى سايلاۋدان ەستەلىك رەتىندە اباي قۇنانباي ۇلىنىڭ كىتابى سىيعا بەرىلدى.