ەلىمىزدە سايلاۋ ناۋقانى كەزىندە ىشكى ىستەر ورگانى قىزمەتكەرلەرى كۇشەيتىلگەن رەجىمدە جۇمىس ىستەپ جاتىر. بۇل تۋرالى قر ىشكى ىستەر ءمينيسترىنىڭ ورىنباسارى ارىستانعاني زاپپاروۆ ءمالىم ەتتى, دەپ حابارلايدى Egemen.kz
«سايلاۋ ۋچاسكەلەرىنىڭ باسىم بولىگى ءوز جۇمىسىن اياقتادى. داۋىس بەرۋ اياقتالعان وڭىرلەردە جەرگىلىكتى كوميسسيا بيۋللەتەندەردى ساناۋعا كىرىسىپ كەتتى. ىشكى ىستەر ورگاندارىنىڭ قىزمەتكەرلەرى كۇشەيتىلگەن رەجىمدەگى قىزمەتى جالعاستىرۋدا. ولار قوعامدىق ءتارتىپتى ساقتاۋمەن قاتار, سايلاۋ ۋچاسكەلەرىندەگى بيۋللەتەندەر مەن حاتتامالاردىڭ اۋداندىق, وبلىستىق كوميسسيالارعا ەش كەدەرگىسىز جەتكىزىلۋىن قامتاماسىز ەتتى. داۋىس بەرۋ كەزىندە سايلاۋ ۋچاسكەلەرىندە تۇسىنىسپەۋشىلىك تۋعىزعان ءتۇرلى وقيعالاردى ەسكەرمەگەندە, ايتارلىقتاي زاڭبۇزۋشىلىقتار تىركەلگەن جوق», دەدى ارىستانعاني زاپپاروۆ ورتالىق كوممۋنيكاتسيالار قىزمەتىندە ونلاين وتكەن ءباسپاسوز ءماسليحاتىندا.
ۆيتسە-ءمينيستردىڭ ايتۋىنشا, ازاماتتاردىڭ تىنىشتىعىن ساقتاۋ جانە قوعامدىق ءتارتىپتىڭ قاۋىپسىزدىگىن قامتاماسىز ەتۋ ماقساتىندا ءتارتىپ ساقشىلارى ءوز قىزمەتىن ودان ءارى جالعاستىرادى.