قوستاناي قالاسىنىڭ تۇرعىنى ءوزى تىركەلمەگەن سايلاۋ ۋچاسكەسىنەن داۋىس بەرگەن. ۆلاديمير كريكۋن ەسىمدى ازامات بۇل تۋرالى ءوزىنىڭ الەۋمەتتىك جەلىدەگى جەكە پاراقشاسىنا جازدى. ول باسقا ۋچاسكەدەن ەكىنشى رەت تاڭداۋ جاساعان. ارتىنشا قالالىق سايلاۋ كوميسسياسىنىڭ توراعاسى الەكساندر مالاشكو زاڭسىزدىققا جول بەرگەن كوميسسيا مۇشەلەرىنە قانداي شارا قولدانىلعانى تۋرالى تۇسىنىك بەردى, دەپ حابارلايدى Egemen.kz
ء«بىز اتالمىش ماتەريال بويىنشا تەكسەرىس جۇرگىزدىك. بارلىق دەرەكتەر زەرتتەلدى. سايلاۋ تۋرالى كونستيتۋتسيالىق زاڭعا سايكەس, قالالىق سايلاۋ كوميسسياسىنىڭ شەشىمىمەن سول ۋچاسكەگە تىركەلمەگەن سايلاۋشىعا بيۋللەتەن بەرگەن ۋچاسكەلىك كوميسسيا مۇشەلەرى ناۋقان جۇمىسىنان شەتتەتىلدى. سايلاۋ ءبىتىپ, جاشىك اشىلعاننان كەيىن داۋىس ساناۋ كەزىندە ايىپكەردىڭ بيۋللەتەنى ەسەپكە قوسىلمايدى», دەدى ا.مالاشكو. وسىلايشا, ۆ.كريكۋننىڭ پارلامەنت ءماجىلىسى, وبلىستىق جانە قالالىق ءماسليحات ءۇشىن بەرگەن ءۇش داۋسى ەسەپتەلمەيتىن بولدى.
قوستاناي وبلىسى