مەملەكەت باسشىسى قاسىم-جومارت توقاەۆ اقش-تا پرەزيدەنت سايلاۋىنان كەيىن ورىن العان احۋالعا قاتىستى پىكىر ءبىلدىردى, دەپ حابارلايدى Egemen.kz
قاسىم-جومارت توقاەۆ ەلورداداعى وقۋشىلار سارايىندا ورنالاسقان №58 سايلاۋ ۋچاسكەسىندە تاڭداۋ جاساعاننان كەيىن باق وكىلدەرىنە بەرگەن سۇحباتىندا: «البەتتە, بۇكىل الەم سياقتى قازاقستان دا امەريكا قۇراما شتاتتارىندا ورىن العان جايتتى ءجىتى باقىلاپ وتىر. سايلانعان پرەزيدەنت دجو بايدەن جاساعان قورىتىندىمەن كەلىسۋ قاجەت دەپ سانايمىن. امەريكالىق دەموكراتيانىڭ قامالى – كاپيتوليانى باسىپ الۋ زاڭسىزدىق ەكسترەميزم ەكەندىگى ءسوزسىز. زاڭسىزدىق پەن ەكسترەميزمگە قاتىستى ءتيىستى شارا قولدانىلۋى ءتيىس. اقش پرەزيدەنتى دجو بايدەن جاساعان قورىتىندى وزگە دە ەلدەرگە قاتىستى قولدانىلادى دەپ ۇمىتتەنەمىن. جانە دە بۇل قورىتىندى امبەباپ بولادى», دەپ ايتىپ ءوتتى.
سونىمەن قاتار مەملەكەت باسشىسى قازاقستان مەن اقش اراسىنداعى قارىم-قاتىناس تۇراقتى دامي تۇسەتىنىن باسا ايتتى.
«اقش 1991 جىلى قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى بولدى. سوندىقتان ءبىزدىڭ تاراپىمىزدان ءوزارا قارىم-قاتىناستارىمىزدا جيناقتالعان بارلىق ءپوزيتيۆتى ساقتاۋعا جانە العا جىلجۋعا قاجەتتى كۇش-جىگەر قابىلدانادى», دەدى قر پرەزيدەنتى.