قاسىم-جومارت توقاەۆ Sriwijaya Air ۇشاعىنىڭ اپاتىنان قازا بولعاندارعا بايلانىستى يندونەزيا پرەزيدەنتى دجوكو ۆيدوداعا قازاقستان حالقىنىڭ جانە ءوز اتىنان كوڭىل ايتۋ جەدەلحاتىن جولدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
– جانتۇرشىگەرلىك اپاتتا جاقىندارىنان ايرىلعان وتباسىلاردىڭ اۋىر قايعىسىنا ورتاقپىن. جاراتۋشى ولاردىڭ قايعىلارىن جەڭىلدەتىپ, قازاعا ۇشىراعانداردىڭ جانىن ءوزىنىڭ مەيىرىمىمەن جارىلقاسىن, – دەلىنگەن جەدەلحاتتا.
ەسكە سالايىق, كەشە يندونەزيادا Sriwijaya Air اۋە كومپانياسىنىڭ جولاۋشىلار ۇشاعى اپاتقا ۇشىرادى. يندونەزيا ۇكىمەتىنىڭ مالىمەتىنشە, بورتتا 65 ادام بولعان, ونىڭ 53-ءى جولاۋشى (10 بالا) جانە 12 ەكيپاج مۇشەسى. Boeing 737-524 ۇشاعى جاكارتادان ۇشىپ شىققاننان سوڭ 4 مينۋتتان كەيىن تەڭىزگە قۇلاعان. 2018 جىلى جاكارتادا تاعى ءبىر ۇشاق اپاتى بولعان ەدى. Lion Air اۋە كومپانياسىنا تيەسىلى Boeing 737 MAX 8 اۋە كەمەسى تەڭىزگە قۇلاپ, بورتتاعى 189 ادام قازا تاپتى.