الماتى قالاسىنىڭ اكىمى باقىتجان ساعىنتاەۆ مەگاپوليستىڭ كوشە-جول جۇيەسىن دامىتۋ جانە الداعى كەزەڭدە اتقارىلاتىن جول-قۇرىلىس جۇمىستارىنىڭ جوسپارلارى جونىندە كەڭەس وتكىزدى. بيىل جىلى قالاعا قوسىلعان اۋماقتاردا, جاڭا الماتىنىڭ ىقشاماۋداندارىندا جاڭا جولداردى سالۋ جالعاسادى, دەپ حابارلايدى Egemen.kz
جالپى, 76 شاقىرىم جولدىڭ قۇرىلىسى باستالادى, ونىڭ 43 شاقىرىمىن اياقتاۋ جوسپارلانىپ وتىر. قالعان 33-ءى «المەرەك» جانە «قايرات» ىقشاماۋداندارىنداعى سۋمەن جابدىقتاۋ جانە سۋدان بۇرۋ جونىندەگى ينجەنەرلىك جەلىلەردىڭ قۇرىلىسى اياقتالعان سوڭ جۇزەگە اسادى.
جول قۇرىلىسى الاتاۋ اۋدانىنداعى وجەت, سامعاۋ, شاڭىراق-5; ناۋرىزباي اۋدانىنداعى قۇرامىس; تۇركسىب اۋدانىنداعى المەرەك, نۇرشاشقان, قايرات ىقشاماۋداندارىندا باستالادى. اتالعان ىقشاماۋدانداردا 54 مىڭعا جۋىق ادام تۇرادى.
مىسالى, سامعاۋ ىقشاماۋدانىندا جالپى ۇزىندىعى 23 شاقىرىم جول بار, ونىڭ 18,4 شاقىرىمى اسفالتتالعان. 25 كوشەدەگى قالعان 4,6 شاقىرىمىندا جول توسەمى جوق, مۇندا جاڭا جولدار سالىناتىن بولادى.
شاڭىراق-5 ىقشاماۋدانىنداعى 29 كوشەگە 6,6 شاقىرىم جاڭا جول سالىنادى. وجەت ىقش. - 87 كوشەگە 11,2 شاقىرىم; قۇرامىس ىقش. - 27 كوشەگە 4,9 شاقىرىم; المەرەك ىقش. - 46 كوشەگە 14,6 شاقىرىم جول سالىناتىن بولادى. نۇرشاشقان ىقشاماۋدانىنداعى 25 كوشەگە 4,9 شاقىرىم, قايرات ىقشاماۋدانىنداعى 20 كوشەگە 4,9 شاقىرىم جاڭا جولدار سالىنادى.
بۇلاردان وزگە, 2020 جىلى سۋمەن قامتۋ جانە سۋدان بۇرۋ بويىنشا ينجەنەرلىك جەلىلەر تارتىلعان دۋمان ىقشاماۋدانىنىڭ جولدارىنا جۇرگىزىلگەن كۇردەلى جوندەۋ جۇمىستارى جالعاسادى. اعىمداعى جىلى 59 كوشەدەگى 26,8 شاقىرىم جول كۇردەلى جوندەلەدى. وتكەن جىلى 6 كوشەدەگى ۇزىندىعى 3,7 شاقىرىم بولاتىن جولدارعا كۇردەلى جوندەۋ جۇرگىزىلگەن بولاتىن.
سونداي-اق بيىل ۇزىندىعى 183 شاقىرىم بولاتىن 190 كوشەنى ورتاشا جوندەۋدەن وتكىزۋ جوسپارلانۋدا, ونىڭ تورتتەن ءبىر بولىگى الاتاۋ اۋدانىنا تيەسىلى.
الماتى اكىمى ب.ساعىنتاەۆ جول-قۇرىلىس جانە جوندەۋ جۇمىستارىنىڭ ساپاسىن باقىلاۋدى, بەلگىلەنگەن مەرزىمدەردى ساقتاۋدى تاپسىردى. وتكەن جىلداعىداي, بيىل دا جاڭا الماتىنىڭ ىقشاماۋداندارىندا جاڭا جولدار سالۋعا باسىمدىق بەرىلەدى.
بۇگىنگى كۇنى مەگاپوليستەگى جاقسى جانە قاناعاتتانارلىق جاعدايداعى جولداردىڭ ۇلەسى 80%-دى قۇرايدى. جىل اياعىندا بۇل كورسەتكىش 83%-عا جەتەتىن بولادى. بۇرىن حابارلانعانىنداي, 2020 جىلى جاڭا الماتىنىڭ ىقشاماۋداندارىندا 42,7 شاقىرىم جول سالىندى. بۇلاردان وزگە, قالادا 219,1 شاقىرىم جول جوندەلدى.