سەنات توراعاسىنىڭ ورىنباسارى اسقار شاكىروۆ قازاقستان رەسپۋبليكاسى پارلامەنتى ءماجىلىسى مەن ماسليحاتتارعا سايلاۋدى بايقاۋعا كەلگەن ۋكراينا جوعارعى راداسى دەپۋتاتتارىنىڭ دەلەگاتسياسىمەن كەزدەستى, دەپ حابارلايدى Egemen.kz
سەنات توراعاسىنىڭ ورىنباسارى الداعى سايلاۋعا دايىندىق تۋرالى حاباردار ەتىپ, سايلاۋعا حالىقارالىق بايقاۋشىلاردىڭ قاتىسۋىنىڭ ماڭىزىن اتاپ ءوتتى.
«قازاقستان سايلاۋ پروتسەستەرىنىڭ جالپىعا بىردەي ستاندارتتارعا قاتاڭ تۇردە سايكەس ۇيىمداستىرىلۋىنا ەرەكشە ءمان بەرەدى», دەدى اسقار شاكىروۆ.
ءبىزدىڭ ەلىمىز حالىقارالىق بەدەلدى ۇيىمداردىڭ ۇسىنىستارىن ەسكەرە وتىرىپ, داۋىس بەرۋ شارالارىنىڭ ءتيىستى دەڭگەيدە ۇيىمداستىرىلۋىن قامتاماسىز ەتۋ ءۇشىن بارلىق شارالاردى قابىلداپ جاتقانى اتاپ ءوتىلدى. قازاقستاندا وتكەن جىلى ەلدەگى ساياسي جۇيەنى جەتىلدىرۋ بويىنشا ناقتى ءىس-شارالار قابىلدانعان بولاتىن. 2020 جىلى پرەزيدەنتتىڭ ساياسي رەفورمالار توپتاماسىن زاڭنامالىق تۇرعىدا ىسكە اسىرۋ قامتاماسىز ەتىلدى, ونىڭ ىشىندە پارتيا ءتىزىمى بويىنشا ايەلدەر مەن جاستارعا ارنالعان 30% كۆوتا بولادى, ساياسي پارتيالاردى تىركەۋدىڭ ءتارتىبى وڭايلاتىلدى جانە پارلامەنتتىك وپپوزيتسيا ينستيتۋتى ەنگىزىلدى.
ۋكراين پارلامەنتى وكىلدەرى سايلاۋعا دايىندىقتى ۇيىمداستىرۋدىڭ جوعارى دەڭگەيىن اتاپ ءوتتى جانە حالىقارالىق ۇيىمدارعا باقىلاۋ ۇدەرىسىنە كومەكتەسەتىن قولداۋدى وڭ باعالادى.
كەزدەسۋگە قازاقستان رەسپۋبليكاسى پارلامەنتى سەناتىنداعى جوعارعى رادامەن ىنتىماقتاستىق جونىندەگى توپتىڭ مۇشەسى, دەپۋتات التىنبەك نۋح ۇلى قاتىستى.