يلون ماسك دۇنيە جۇزىندەگى ەڭ باي ادام اتاندى, ونىڭ جالپى بايلىعى 185 ميلليارد دوللاردان استى, دەپ حابارلايدى Egemen.kz.
سوڭعى مالىمەتتەرگە سايكەس, Tesla جانە SpaceX باس ديرەكتورىنىڭ بايلىعى 188,5 ميلليارد دوللارعا باعالاندى. وسىلايشا ول 2017 جىلدان بەرى الەمدەگى ەڭ باي ادامدار رەيتينگىندە كوش باستاپ كەلە جاتقان Amazon نەگىزىن قالاۋشى دجەفف بەزوستى باسىپ وزدى.
سوڭعى جىلى ماسكتىڭ تابىسى $150 ملرد-قا ءوستى, 2020 جىلدىڭ قاڭتارىندا Bloomberg رەيتينگىندە بيزنەسمەن 35-ءشى ورىندا بولدى. الايدا, تۇراقتى پايدا مەن S&P 500 يندەكسىنە قوسىلۋدىڭ ارقاسىندا 2020 جىلى Tesla اكتسيالارىنىڭ تەز ءوسۋى ماسكتىڭ جاعدايىن 150 ميلليارد دوللارعا جەتكىزىپ, 2020 جىلدىڭ قاراشا ايىنىڭ سوڭىندا ەكىنشى ورىنعا شىعاردى.