2021 جىلعى 8 قاڭتار 02:46 قىزىلوردادا كارانتين تالابىن بۇزعاندار انىقتالدى, دەپ حابارلايدى Egemen.kz
قىزىلوردا وبلىسىندا جىل باسىنان بەرى كارانتين تالابىن بۇزعان 4 جاعداي انىقتالدى.
ولاردىڭ 2-ەۋى قىزىلوردا قالاسىندا, قالعانى شيەلى جانە قازالى اۋداندارىندا تىركەلگەن. بارلىعىندا كافە يەلەرىنىڭ شەكتى ۋاقىتتى ساقتاماي, كارانتين رەجىمىن بۇزعانى انىقتالدى.
«بۇل جاعدايلار 4 قاڭتارعا دەيىن تىركەلگەن. ودان بەرگى ءۇش كۇندە مۇنداي كەلەڭسىزدىكتەر بولعان جوق. ولارعا 444 مىڭ تەڭگەدەن استام ايىپپۇل سالىندى», دەدى قىزىلوردا وبلىسى سانيتارلىق-ەپيدەميالىق باقىلاۋ دەپارتامەنتىنىڭ ءباسپاسوز حاتشىسى ايمان جاناحاەۆا.
قىزىلوردا وبلىسىندا 2020 جىلى كارانتين تالابىن بۇزعان 900-دەن استام دەرەك تىركەلگەن. ولاردىڭ 543-ءى توي جاساۋعا قاتىستى بولعان. وڭىردە بۇل ماقساتتا ارنايى قۇرىلعان 24 ءموبيلدى توپ جۇمىس جاساپ جاتىر.